Ramadasu Keertanas

Rama Nanubrovagarada Nannu Lyrics in Telugu | Ramadasu Keerthana

Rama Nanubrovagarada Nannu Telugu Lyrics:

పల్లవి:
రామా ననుబ్రోవగరాదా నన్ను గన్న సీతా
భామామణికైనను జాలిలేదా నామీద శ్రీ రా ॥

చరణము(లు):
రామయ్యా నీకిది మరియాదా రక్షించు భా
రమే మీకు లేదా శ్రీభద్రాచల
ధామ సుంతైననెనరు తలపున
ప్రేమ నుంచరాదా నాతో వాదా రా ॥

నీలోన జగములుండుగాక నీవు
లీలతో జగములో వుందువుగాక
ఏలాగు తాళుదు నెందాక ననుబ్రోవవు
యీలాగుండుట పరాకా ఎంతో వేడితి రా ॥

ఈనాటికెంతో సులభముగ నీవను పెన్ని
ధానము దొరికెను మాకు చేసిన పుణ్య
మాన నాకన్నులాన పరదైవాలను మ్రొక్కె
దనా బరువైనానా నీవాడనుగానా శ్రీ రా ॥

ఈ సమయమున రామదాసపోషక చిద్వి
లాస భద్రాచలవాస తెలిసి కృప
చేసి రక్షింప ప్రయాసా శ్రీరామా
గాసి మాన్పి బ్రోవకుండుటిది మేలా శ్రీ రా ॥

Add Comment

Click here to post a comment