Ramapatya Ashtakam Text in Telugu:
॥ రమాపత్యష్టకమ్ ॥
శ్రీగణేశాయ నమః ॥
జగదాదిమనాదిమజం పురుషం శరదమ్బరతుల్యతనుం వితనుమ్ ।
ధృతకఞ్జరథాఙ్గగదం విగదం ప్రణమామి రమాధిపతిం తమహమ్ ॥ ౧॥
కమలాననకఞ్జరతం విరతం హృది యోగిజనైః కలితం లలితమ్ ।
కుజనైః సుజనైరలభం సులభం ప్రణమామి రమాధిపతిం తమహమ్ ॥ ౨॥
మునివృన్దహృదిస్థపదం సుపదం నిఖిలాధ్వరభాగభుజం సుభుజమ్ ।
హృతవాసవముఖ్యమదం విమదం ప్రణమామి రమాధిపతిం తమహమ్ ॥ ౩॥
హృతదానవదృప్తబలం సుబలం స్వజనాస్తసమస్తమలం విమలమ్ ।
సమపాస్త గజేన్ద్రదరం సుదరం ప్రణమామి రమాధిపతిం తమహమ్ ॥ ౪॥
పరికల్పితసర్వకలం వికలం సకలాగమగీతగుణం విగుణమ్ ।
భవపాశనిరాకరణం శరణం ప్రణమామి రమాధిపతిం తమహమ్ ॥ ౫॥
మృతిజన్మజరాశమనం కమనం శరణాగతభీతిహరం దహరమ్ ।
పరితుష్టరమాహృదయం సుదయం ప్రణమామి రమాధిపతిం తమహమ్ ॥ ౬॥
సకలావనిబిమ్బధరం స్వధరం పరిపూరితసర్వదిశం సుదృశమ్ ।
గతశోకమశోకకరం సుకరం ప్రణమామి రమాధిపతిం తమహమ్ ॥ ౭॥
మథితార్ణవరాజరసం సరసం గ్రథితాఖిలలోకహృదం సుహృదమ్ ।
ప్రథితాద్భుతశక్తిగణం సుగణం ప్రణమామి రమాధిపతిం తమహమ్ ॥ ౮॥
సుఖరాశికరం భవబన్ధహరం పరమాష్టకమేతదనన్యమతిః ।
పఠతీహ తు యోఽనిశమేవ నరో లభతే ఖలు విష్ణుపదం స పరమ్ ॥ ౯॥
ఇతి శ్రీపరమహంసస్వామిబ్రహ్మానన్దవిరచితం శ్రీరమాపత్యష్టకం సమ్పూర్ణమ్ ॥