Shiva Stotram

Sadasivaashtakam Lyrics in Malayalam | Malayalam Shlokas

Sada Siva Ashtakam in Malayalam:

॥ സദാശിവാഷ്ടകം ॥
ശീര്ഷജടാഗണഭാരം ഗരളാഹാരം സമസ്തസംഹാരം |
കൈലാസാദ്രിവിഹാരം പാരം ഭവവാരിധേരഹം വന്ദേ ॥ ൧ ॥

ചന്ദ്രകലോജ്ജ്വലഭാലം കണ്ഠവ്യാലം ജഗത്രയീപാലം |
കൃതനരമസ്തകമാലം കാലം കാലസ്യ കോമലം വന്ദേ ॥ ൨ ॥

കോപേക്ഷണഹതകാമം സ്വാത്മാരാമം നഗേന്ദ്രജാവാമം |
സംസൃതിശോകവിരാമം ശ്യാമം കണ്ഠേന കാരണം വന്ദേ ॥ ൩ ॥

കടിതടവിലസിതനാഗം ഖണ്ഡിതയാഗം മഹാദ്ഭുതത്യാഗം |
വിഗതവിഷയരസരാഗം ഭാഗം യജ്ഞേഷു ബിഭ്രതം വന്ദേ ॥ ൪ ॥

ത്രിപുരാദികദനുജാന്തം ഗിരിജാകാന്തം സദൈവ സംശാന്തം |
ലീലാവിജിതകൃതാന്തം ഭാന്തം സ്വാന്തേഷു ദേഹിനാം വന്ദേ ॥ ൫ ॥

സുരസരിദാപ്ലുതകേശം ത്രിദശകുലേശം ഹൃദാലയാവേശം |
വിഗതാശേഷക്ലേശം ദേശം സര്വേഷ്ടസംപദാം വന്ദേ ॥ ൬ ॥

കരതലകലിതപിനാകം വിഗതജരാകം സുകര്മണാം പാകം |
പരപദവീതവരാകം നാകംഗമപൂഗവന്ദിതം വന്ദേ ॥ ൭ ॥

ഭൂതിവിഭൂഷിതകായം ദുസ്തരമായം വിവര്ജിതാപായം |
പ്രമഥസമൂഹസഹായം സായംപ്രാതര്നിരന്തരം വന്ദേ ॥ ൮ ॥

യസ്തു പദാഷ്ടകമേതദ്ബ്രഹ്മാനന്ദേന നിര്മിതം നിത്യം |
പഠതി സമാഹിതചേതാഃ പ്രാപ്നോത്യന്തേ സ ശൈവമേവ പദം ॥ ൯ ॥

ഇതി ശ്രീമത്പരമഹംസസ്വാമിബ്രഹ്മാനന്ദവിരചിതം സദാശിവാഷ്ടകം സംപൂര്ണം ॥

Also Read:

Sadasivaashtakam Lyrics in Kannada | Malayalam | Telugu

Add Comment

Click here to post a comment