Shiva Stotram

Sadasivaashtakam Lyrics in Kannada | Kannada Shlokas

Sada Siva Ashtakam in Kannada :

॥ ಸದಾಶಿವಾಷ್ಟಕಮ್ ॥
ಶ್ರೀಮತ್ಪರಮಹಂಸಸ್ವಾಮಿಬ್ರಹ್ಮಾನನ್ದವಿರಚಿತಂ

ಶೀರ್ಷಜಟಾಗಣಭಾರಂ ಗರಳಾಹಾರಂ ಸಮಸ್ತಸಂಹಾರಮ್ |
ಕೈಲಾಸಾದ್ರಿವಿಹಾರಂ ಪಾರಂ ಭವವಾರಿಧೇರಹಂ ವನ್ದೇ ॥ ೧ ॥

ಚನ್ದ್ರಕಲೋಜ್ಜ್ವಲಭಾಲಂ ಕಣ್ಠವ್ಯಾಲಂ ಜಗತ್ರಯೀಪಾಲಮ್ |
ಕೃತನರಮಸ್ತಕಮಾಲಂ ಕಾಲಂ ಕಾಲಸ್ಯ ಕೋಮಲಂ ವನ್ದೇ ॥ ೨ ॥

ಕೋಪೇಕ್ಷಣಹತಕಾಮಂ ಸ್ವಾತ್ಮಾರಾಮಂ ನಗೇನ್ದ್ರಜಾವಾಮಮ್ |
ಸಂಸೃತಿಶೋಕವಿರಾಮಂ ಶ್ಯಾಮಂ ಕಣ್ಠೇನ ಕಾರಣಂ ವನ್ದೇ ॥ ೩ ॥

ಕಟಿತಟವಿಲಸಿತನಾಗಂ ಖಣ್ಡಿತಯಾಗಂ ಮಹಾದ್ಭುತತ್ಯಾಗಮ್ |
ವಿಗತವಿಷಯರಸರಾಗಂ ಭಾಗಂ ಯಜ್ಞೇಷು ಬಿಭ್ರತಂ ವನ್ದೇ ॥ ೪ ॥

ತ್ರಿಪುರಾದಿಕದನುಜಾನ್ತಂ ಗಿರಿಜಾಕಾನ್ತಂ ಸದೈವ ಸಂಶಾನ್ತಮ್ |
ಲೀಲಾವಿಜಿತಕೃತಾನ್ತಂ ಭಾನ್ತಂ ಸ್ವಾನ್ತೇಷು ದೇಹಿನಾಂ ವನ್ದೇ ॥ ೫ ॥

ಸುರಸರಿದಾಪ್ಲುತಕೇಶಂ ತ್ರಿದಶಕುಲೇಶಂ ಹೃದಾಲಯಾವೇಶಮ್ |
ವಿಗತಾಶೇಷಕ್ಲೇಶಂ ದೇಶಂ ಸರ್ವೇಷ್ಟಸಂಪದಾಂ ವನ್ದೇ ॥ ೬ ॥

ಕರತಲಕಲಿತಪಿನಾಕಂ ವಿಗತಜರಾಕಂ ಸುಕರ್ಮಣಾಂ ಪಾಕಮ್ |
ಪರಪದವೀತವರಾಕಂ ನಾಕಙ್ಗಮಪೂಗವನ್ದಿತಂ ವನ್ದೇ ॥ ೭ ॥

ಭೂತಿವಿಭೂಷಿತಕಾಯಂ ದುಸ್ತರಮಾಯಂ ವಿವರ್ಜಿತಾಪಾಯಮ್ |
ಪ್ರಮಥಸಮೂಹಸಹಾಯಂ ಸಾಯಂಪ್ರಾತರ್ನಿರನ್ತರಂ ವನ್ದೇ ॥ ೮ ॥

ಯಸ್ತು ಪದಾಷ್ಟಕಮೇತದ್ಬ್ರಹ್ಮಾನನ್ದೇನ ನಿರ್ಮಿತಂ ನಿತ್ಯಮ್ |
ಪಠತಿ ಸಮಾಹಿತಚೇತಾಃ ಪ್ರಾಪ್ನೋತ್ಯನ್ತೇ ಸ ಶೈವಮೇವ ಪದಮ್ ॥ ೯ ॥

ಇತಿ ಶ್ರೀಮತ್ಪರಮಹಂಸಸ್ವಾಮಿಬ್ರಹ್ಮಾನನ್ದವಿರಚಿತಂ ಸದಾಶಿವಾಷ್ಟಕಂ ಸಂಪೂರ್ಣಮ್ ॥

Also Read:

Sadasivaashtakam Lyrics in Kannada | Malayalam | Telugu

Add Comment

Click here to post a comment