Sri Shachisunva Ashtakam in Bengali:
শচীসূন্বষ্টকম্
হরির্দৃষ্ট্বা গোষ্ঠে মুকুরগতমাত্মানমতুলং
স্বমাধুর্যং রাধপ্রিয়তরসখীবাপ্তুমভিতঃ ।
অহো গৌডে জাতঃ প্রভুরপরগৌরৈকতনুভাক্
শচীসূনুঃ কিং মে নয়নসরণীং য়াস্যতি পদম্ ॥ ১॥
পুরীদেবয়ান্তঃপ্রণয়মধুনা স্নানমধুরো
মুহুর্গোবিন্দোদ্যদ্বিশদপরিচর্যার্চিতপদঃ ।
স্বরূপস্য প্রাণার্বুদপরিচর্যার্চিতপদঃ
শচীসূনুঃ কিং মে নয়নসরণীং য়াস্যতি পদম্ ॥ ২॥
দধানঃ কৌপীনং তদুপরি বহির্বস্ত্রমরুণং
প্রকাণ্ডো হেমাদ্রিদ্যুতিভিরভিতঃ সেবিততনুঃ ।
মুদা গায়ন্নুচ্চৈর্নিজমধুরনামাবলিমসৌ
শচীসূনুঃ কিং মে নয়নসরণীং য়াস্যতি পদম্ ॥ ৩॥
অনাবেদ্যাং পূর্বৈরপি মুনিগণৈর্ভক্তিনিপুণৈঃ
শ্রুতের্গূঢাং প্রেমোজ্জ্বলরসফলাং ভক্তিলতিকাম্ ।
কৃপালুস্তাং গৌডে প্রভু অতিকৃপাভিঃ প্রকটয়-
ন্শচীসূনুঃ কিং মে নয়নসরণীং য়াস্যতি পদম্ ॥ ৪॥
নিজত্বে গৌডীয়ান্জগতি পরিগৃহ্য প্রভুরিমা-
ন্হরে কৃষ্ণেত্যেবং গণনবিধিনা কীর্তয়ত ভোঃ ।
ইতি প্রায়াং শিক্ষাং চরণমধুপেভ্যঃ পরিদিশ-
ন্শচীসূনুঃ কিং মে নয়নসরণীং য়াস্যতি পদম্ ॥ ৫॥
পুরঃ পশ্যন্নীলাচলপতিমুরুপ্রেমনিবহৈঃ
ক্ষরন্নেত্রাম্ভোভিঃ স্নপিতনিজদীর্ঘোজ্জ্বলতনুঃ ।
সদা তিষ্ঠন্দেশে প্রণয়িগরুডস্তম্ভচরমে
শচীসূনুঃ কিং মে নয়নসরণীং য়াস্যতি পদম্ ॥ ৬॥
মুদা দন্তরি দৃষ্ট্বা দ্যুতিবিজিতবন্ধূকমধরং
করং কৃত্বা বামং কটিনিহিতমন্যং পরিলসন্।
সমুত্থাপ্য প্রেম্ণাগণিতপুলকো নৃত্যকুতুকী
শচীসূনুঃ কিং মে নয়নসরণীং য়াস্যতি পদম্ ॥ ৭॥
সরোত্তীরারামে বিরহবিধুরো গোকুলবিধো-
র্নদীমন্যাং কুর্বন্নয়নজলধারাবিততিভিঃ ।
মুহুর্মূর্চ্ছাং গচ্ছন্মৃতকমিব বিশ্বং বিরচয়-
ন্শচীসূনুঃ কিং মে নয়নসরণীং য়াস্যতি পদম্ ॥ ৮॥
শচীসূনোরস্যাষ্টকমিদমভীষ্টং বিরচয়-
ন্সদা দৈন্যোদ্রেকাদতিবিশদবুদ্ধিঃ পঠতি য়ঃ ।
প্রকামং চৈতন্যঃ প্রভুরতিকৃপাবেশবিবশঃ
পৃথুপ্রেমাম্ভোধৌ প্রথিতরসদে মজ্জয়তি তম্ ॥ ৯॥
ইতি শ্রীরঘুনাথদাসগোস্বামিবিরচিতস্তবাবল্যাং
শ্রীশচীসূন্বষ্টকং সম্পূর্ণম্ ।
