Shankaraashtakam in Malayalam:
॥ ശങ്കരാഷ്ടകം ॥
ശീര്ഷജടാഗണഭാരം ഗരളാഹാരം സമസ്തസംഹാരം ||
കൈലാസാദ്രിവിഹാരം പാരം ഭവവാരിധേരഹം വന്ദേ || ൧ ||
ചന്ദ്രകലോജ്ജ്വലഭാലം കണ്ഠവ്യാലം ജഗത്ത്രയീപാലം ||
കൃതനരമസ്തകമലം കാലം കാലസ്യ കോമളം വന്ദേ || ൨ ||
കോപേക്ഷണഹതകാമം സ്വാത്മാരാമം നഗേന്ദ്രജാവാമം ||
സംസൃതിശോകവിരാമം ശ്യാമം കണ്ഠേന കാരണം വന്ദേ || ൩ ||
കടിതടവിലസിതനാഗം ഖണ്ഡിതയാഗം മഹാദ്ഭുതത്യാഗം ||
വിഗതവിഷയരസരാഗം ഭാഗം യജ്ഞേഷു ബിഭ്രതം വന്ദേ || ൪ ||
ത്രിപുരാദികദനുജാന്തം സദൈവ സംശാന്തം ||
ലീലാവിജിതകൃതാന്തം ഭാന്തം സ്വാന്തേഷു ദേഹിനാം വന്ദേ || ൫ ||
സുരസരിദാപ്ലുതകേശം ത്രിദശകുലേശം ഹൃദാലയാവേശം ||
വിഗതാശേഷക്ലേശം ദേശം സര്വേഷ്ടസംപദാം വന്ദേ || ൬ ||
കരതലകലിതപിനാകം വിഗതജരാകം സുകര്മണാം പാകം ||
പരപദവീതവരാകം നാകംഗമപൂഗവന്ദിതം വന്ദേ || ൭ ||
ഭൂതിവിഭൂഷിതകായം ദുസ്തരമായം വിവര്ജിതാപായം ||
പ്രഥമസമൂഹസഹായം സായം പ്രാതര്നിരന്തരം വന്ദേ || ൮ ||
യസ്തു പദാഷ്ടകമേതദ്ബ്രഹ്മാനന്ദേന നിര്മിതം നിത്യം ||
പഠതി സമാഹിതചേതാഃ പ്രാപ്നോത്യന്തേ സ ശൈവമേവ പദം || ൯ ||
ഇതി ബ്രഹ്മാനന്ദവിരചിതം ശ്രീശങ്കരാഷ്ടകം സംപൂര്ണം ||
Also Read:
Shankaraashtakam Lyrics in | Gujarati | Marathi | Kannada | Malayalam | Telugu
