Shiva Shakti Kruta Ganadhisha Stotram English Lyrics:
śrī gaṇādhīśa stōtram (śivaśakti kr̥tam)
śrīśaktiśivāvūcatuḥ |
namastē gaṇanāthāya gaṇānāṁ patayē namaḥ |
bhaktipriyāya dēvēśa bhaktēbhyaḥ sukhadāyaka || 1 ||
svānandavāsinē tubhyaṁ siddhibuddhivarāya ca |
nābhiśēṣāya dēvāya ḍhuṇḍhirājāya tē namaḥ || 2 ||
varadābhayahastāya namaḥ paraśudhāriṇē |
namastē sr̥ṇihastāya nābhiśēṣāya tē namaḥ || 3 ||
anāmayāya sarvāya sarvapūjyāya tē namaḥ |
saguṇāya namastubhyaṁ brahmaṇē nirguṇāya ca || 4 ||
brahmabhyō brahmadātrē ca gajānana namō:’stu tē |
jyēṣṭhāya cādipūjyāya jyēṣṭharājāya tē namaḥ || 5 ||
mātrē pitrē ca sarvēṣāṁ hērambāya namō namaḥ |
anādayē ca vighnēśa vighnakartrē namō namaḥ || 6 ||
vighnahartrē svabhaktānāṁ lambōdara namō:’stu tē |
tvadīyabhaktiyōgēna yōgīśāḥ śāntimāgatāḥ || 7 ||
kiṁ stuvō yōgarūpaṁ taṁ praṇamāvaśca vighnapa |
tēna tuṣṭō bhava svāminnityuktvā taṁ praṇēmatuḥ || 8 ||
tāvutthāpya gaṇādhīśa uvāca tau mahēśvarau |
śrīgaṇēśa uvāca |
bhavatkr̥tamidaṁ stōtraṁ mama bhaktivivardhanam || 9 ||
bhaviṣyati ca saukhyasya paṭhatē śr̥ṇvatē pradam |
bhuktimuktipradaṁ caiva putrapautrādikaṁ tathā |
dhanadhānyādikaṁ sarvaṁ labhatē tēna niścitam || 10 ||
iti śivaśaktikr̥taṁ śrīgaṇādhīśastōtraṁ sampūrṇam |
Also Read:
Shiva Shakti Kruta Ganadhisha Stotram lyrics in Sanskrit | English | Telugu | Tamil | Kannada
