Templesinindiainfo

Best Spiritual Website

Shri Balakrishnashtakam 2 Lyrics in Telugu | శ్రీబాలకృష్ణాష్టకమ్ ౨

శ్రీబాలకృష్ణాష్టకమ్ ౨ Lyrics in Telugu:

శ్రీకృష్ణదాసకృతం
శ్రీమన్నన్దయశోదాహృదయస్థితభావతత్పరో భగవాన్ ।
పుత్రీకృతనిజరూపః స జయతి పురతః కృపాలుర్బాలకృష్ణః ॥ ౧॥

కథమపి రిఙ్గణమకరోదఙ్గణగతజానుఘర్షణోద్యుక్తః ।
కటితటకిఙ్కిణిజాలస్వనశఙ్కితమానసః సదా హ్యాస్తే ॥ ౨॥

వికసితపఙ్కజనయనః ప్రకటితహర్షః సదైవ ధూసరాఙ్గః ।
పరిగచ్ఛతి కటిభఙ్గప్రసరీకృతపాణియుగ్మాభ్యామ్ ॥ ౩॥

ఉపలక్షితదధిభాణ్డః స్ఫురితబ్రహ్మాణ్డవిగ్రహో భుఙ్క్తే ।
ముష్టీకృతనవనీతః పరమపునీతో ముగ్ధభావాత్మా ॥ ౪॥

నమ్రీకృతవిధువదనః ప్రకటీకృతచౌర్యగోపనాయాసః ।
స్వామ్బోత్సఙ్గవిలాసః క్షుధితః సమ్ప్రతి దృశ్యతే స్తనార్థీ ॥ ౫॥

సింహనఖాకృతిభూషణభూషితహృదయః సుశోభతే నిత్యమ్ ।
కుణ్డలమణ్డితగణ్డః సాఞ్జననయనో నిరఞ్జనః శేతే ॥ ౬॥

కార్యాసక్తయశోదాగృహకర్మావరోధకః సదాఽఽస్తే ।
తస్యాః స్వాన్తనివిష్టప్రణయప్రభాజనో యతోఽయమ్ ॥ ౭॥

ఇత్థం వ్రజపతితరుణీ నమనీయం బ్రహ్మరుద్రాద్యైః ।
కమనీయం నిజసూనుం లాలయతి స్మ ప్రత్యహం ప్రీత్యా ॥ ౮॥

శ్రీమద్వల్లభకృపయా విశదీకృతమేతదష్టకం పఠేద్యః ।
తస్య దయానిధికృష్ణే భక్తిః ప్రేమైకలక్షణా శీఘ్రమ్ ॥ ౯॥

ఇతి శ్రీకృష్ణదాసకృతం బాలకృష్ణాష్టకం సమ్పూర్ణమ్ ।

Shri Balakrishnashtakam 2 Lyrics in Telugu | శ్రీబాలకృష్ణాష్టకమ్ ౨

Leave a Reply

Your email address will not be published. Required fields are marked *

Scroll to top