ശ്രീഭവമങ്ഗലാഷ്ടകം Lyrics in Malayalam:
ശ്രീരങ്ഗം കരിശൈലമഞ്ജനഗിരീം ശേഷാദ്രിസിംഹാചലം
ശ്രീകൂര്‍മം പുരുഷോത്തമം ച ബദരീനാരായണം നൈമിഷം ।
ശ്രീമദ്വാരവതീപ്രയാഗമഥുരായോധ്യാഗയാപുഷ്കരം
ശാലഗ്രാമഗിരിം നിഷേവ്യ രമതേ രാമാനുജോഽയം മുനിഃ ॥ 1॥
സര്‍വേഷാം കൃതിനാം ചരന്തി ഗുരവഃ കൈങ്കര്യനിഷ്ഠാ ഹരേഃ
ശ്രീരാമാനുജയോഗിനായകമണിഃ ശ്രീപാദപദ്മാലയാഃ ।
ഭോഗ്യാഷ്ടാക്ഷരമന്ത്രരത്നചരമശ്ലോകാനുസന്ധായിനോ
വന്ദ്യാ ഭാഗവതോത്തമാഃ പ്രതിദിനങ്കുര്‍വന്തു നോ മങ്ഗലം ॥ 2॥
സ ശ്രീമാന്‍പരമഃപുമാനഥ ചതുര്‍വ്യൂഹാവതാരസ്തതോ
ജാതാ വ്യൂഹപരമ്പരാഃ സുരചിതാഃ ശ്രീകേശവാദ്യാഃ പരാഃ ।
ഏകാംഭോനിധിശേഷഭോഗശയനന്യഗ്രോധപത്രാശ്രയ-
ക്ഷീരോദന്വദനന്തതല്‍പസുഖദാഃ കുര്‍വന്തു നോ മങ്ഗലം ॥ 3॥
ശ്രീരാമാനുജയോഗിപൂര്‍ണയമുനാവാസ്തവ്യമാലാധരാഃ
നാഥഃ കാരിതനൂജസൈന്യപരമാഃ ശ്രീമാംശ്ച നാരായണഃ ।
ചണ്ഡാദ്യാഃ കുമുദാദയഃ പരിജനാ നിത്യാശ്ച മുക്താശ്ച യേ
ശ്രീവൈകുണ്ഠനിവാസിനോഽമരവരാഃ കുര്‍വന്തു നോ മങ്ഗലം ॥ 4॥
മത്സ്യഃ-കൂര്‍മ-വരാഹ-മാനവഹരിഃ ശ്രീവാമനോ-ഭാര്‍ഗവഃ
ശ്രീരാമോ-ബലദേവദേവകിസുതൌ-കല്‍കീ ദശൈതേ ക്രമാത് ।
അന്തര്യാംയഥ യോഗിനാം ഹൃദയഗോപ്യര്‍ച്ചാവതാരാഃ ശുഭാഃ
ശ്രീരങ്ഗാദിസമസ്തധാമനിലയാഃ കുര്‍വന്തു നോ മങ്ഗലം ॥ 5॥
ശ്രീഭൂമിര്‍വിമലാദയോ നവസുധാപദ്മാധൃതാഃ ശക്തയോ
വേദാ വേദവതീ ധരാപി ച മഹാലക്ഷ്മീ സുകേശാലയാ ।
ദേവീ ഭാര്‍ഗവഭാമിനീ ജനകജാ സാ രേവതീ രുക്മിണീ
വേദാദ്യാഃപ്രഭയാന്വിതാ ദശ രമാഃ കുര്‍വന്തു നോ മങ്ഗലം ॥ 6॥
ശത്രുധ്വംസി സുദര്‍ശനം സുഖകരം ശ്രീപാഞ്ചജന്യസ്സദാ
ബാണാഃ ശാര്‍ങ്ഗമമഹര്‍ഷജനകം കൌമൌദകീ നന്ദകഃ ।
സത്പദ്മം മുസലം ഹലം ച പരശുര്‍ദിവ്യായുധാനി പ്രഭോഃ
സേനാധീശഖഗേശഭോഗിപതയഃ കുര്‍വന്തു നോ മങ്ഗലം ॥ 7॥
ഹംസോ ധര്‍മനിദര്‍ശനോ ഹരിമുഖോ യജ്ഞശ്ച ധന്വന്തരിഃ
പാഥോഽജോമിഥുനോദിതോഹരിരലങ്കാരഃ പൃഥിവ്യാഃ പൃഥുഃ ।
ആദ്യോ വേദമുഖശ്ച ജന്‍മനിലയോ നാരായണോ വൈ വിരാട്
ശ്വേതദ്വീപനിവാസിജീവഹൃദയഃ കുര്‍വന്തു നോ മങ്ഗലം ॥ 8॥
വിഷ്വക്സേനമുനിര്‍ഹ്യനന്തമുനയഃ ശ്രീസമ്പ്രദായാദിമാ
യേഽന്യേ ഭൂതഭവിഷ്യദൃശ്യസമയേ ശ്രീരങ്ഗഭൂഭൂഷണാഃ ।
യേ വൈ ഭാഗവതാഃ സുഖാ ദശഗണാ ഭൃത്യാ നരാ വാനരാഃ
ശ്വേതദ്വീപനിവാസിനോ നരവരാഃകുര്‍വന്തു നോ മങ്ഗലം ॥ 9॥
ഇത്യുക്തം ഭവമങ്ഗലാഷ്ടകമിദം സുശ്ലോകസങ്കീര്‍തനം
ശ്രീമദ്ഭാഗവതപ്രസാദജനകം ശ്രീവേങ്കടേശേന യത് ।
ഭക്താ യേ പ്രപഠന്തി ശുദ്ധമനസഃ പ്രോത്ഫുല്ലഹൃത്പങ്കജാ-
സ്തേഷാംവാഞ്ഛിതമങ്ഗലമ്പ്രകുരുതേ ഭക്തിപ്രിയോ മാധവഃ ॥ 10॥
ഇതി ശ്രീഭവമങ്ഗലാഷ്ടകം സമ്പൂര്‍ണം ॥
