Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Shri Bhogapuresha Ashtakam Lyrics in Bengali | শ্রীভোগাপুরেশাষ্টকম্

Shri Bhogapuresha Ashtakam Lyrics in Bengali | শ্রীভোগাপুরেশাষ্টকম্

50 Views

শ্রীভোগাপুরেশাষ্টকম্ Lyrics in Bengali:

শ্রীমদ্ভোগাপুরেশো ভবতু ভবগুরুর্ভূতয়ে মে দয়ালুঃ
জ্ঞানং ভক্তিং বিরক্তিং প্রদিত শমদমাদ্যঙ্গজাতং সুখায় ।
স্তোতুং বাঽঽরাধিতুং ত্বাং ন চ মম সুমতিঃ কল্যদীনেন্দ্রিয়েশৈঃ
সন্মার্গাদ্ভ্রান্তিতোঽয়ং পুরুগুণ দয়য়া পাহি ভোগাপুরেশ ॥ ১॥

মূঢোঽহং জ্ঞানহীনস্তব পদয়ুগলে ভক্তিহীনো দুরাত্মা-
থাপি ত্বামেব জানে গুরুবর বচসা স্বামিনং নাপরং বা ।
তস্মাদস্মত্কৃতাগঃ ক্ষময় কুরু কৃপাং সত্ত্বসিন্ধো হনূমন্
দাস্যং মে দেহি নিত্যং দশরথতনয়প্রীত ভোগাপুরেশ ॥ ২॥

ত্বদ্ধৃত্পদ্মান্তরঙ্গে সকলগুণগণালঙ্কৃতাঙ্গো বিদোষঃ
স্বামী বেদান্তবেদ্যো মম মনসি তথা বর্ততাং শ্রীমনোজ্ঞঃ ।
শ্রীমদ্ভোগাপুরেশানিলতনয় হিতং মামকং বেত্সি সর্বং
কিং মে বিজ্ঞাপনীয়ং সকলমপি সদা জানতঃ পূর্ণশক্তেঃ ॥ ৩॥

রক্ষঃপুত্রপ্রণাশো জলনিধিতরণং দ্রোণগির্যাহৃতিশ্চে-
ত্যাদ্যং দুঃসাধ্যকর্ম ত্বয়ি কৃতবতি মে সংশয়ং য়াতি চেতঃ ।
য়দ্যস্মন্মানসস্থপ্রবলতরমহাকামমুখ্যারিনাশো
ভূয়াচ্ছীঘ্রং ত্বয়ায়ং সকলমপি বলং বেদ্মি তে সত্যমেব ॥ ৪॥

সর্বাত্মপ্রেরকেশাদ্ভুতবলনিখিলপ্রাণিবৃন্দপ্রবিষ্টা-
নেকৈ রূপৈ রমেশং পরিচরসি হরে বেত্তি কস্তে মহত্ত্বম্ ।
বত্সানুক্রোশদৃষ্টির্ভবতু ময়ি চিরং সংসৃতিব্যাধিরুগ্ণে
শ্রীমদ্ভোগাপুরেশাভয়দ বিরতিবিজ্ঞানভক্ত্যাদিপূর্ণ ॥ ৫॥

ভগ্নে বিম্বে কদাচিত্ পুনরপি গুরুসত্পাণিলব্ধপ্রতিষ্ঠঃ
সান্নিধ্যং ব্যঞ্জিতুং য়ো নিহিতদ্যুতিমহাদীপতপ্তো ব্যতানীত্ ।
সর্বত্রাদ্ধা পতঙ্গান্ মুহুরথ সুজনৈঃ প্রার্থিতঃ সঞ্জহার
শ্রীমদ্ভোগাপুরেশং তমখিলফলদং সম্ভজে পূর্বজ্যেষ্ঠম্ ॥ ৬॥

দুর্বুদ্ধিং দুর্বিকারং হর হর হনুমন্ পাপজালং মদীয়ং
ত্বত্সেবৈকোপয়ুক্তাং শ্রিয়মপি দিশ মে য়োগ্যতাং নাতিলঙ্ঘ্য ।
ভূয়ো বৃদ্ধির্যথা স্যাত্তব পদয়ুগলদ্বন্দ্বভক্তেরজস্রং
নর্তে ত্বাং মে গতিঃ স্যাদিতি ধৃতমনসা পালয় স্বপ্রপন্নম্ ॥ ৭॥

ইষ্টানিষ্টাপ্তিনাশপ্রকটিতনিজসদ্ভক্তিবর্গাত্মশক্তিঃ
স্বস্বান্তধ্যাতসীতারমণসুচরণো মুক্তিবিঘ্নেভসিংহঃ ।
স্মৃত্যাশেষাঘহর্তাভিলষিতফলদঃ শেষরুদ্রাদিবন্দ্যঃ
পায়াদ্ভোগাপুরেশশ্চরণসুরশিরোরত্নমস্মান্ সুদীনান্ ॥ ৮॥

শ্রীমদ্ভোগাপুরেশস্তুতিমিতি কৃতবান্ ভক্তিপূতান্তরাত্মা
প্রাণশ্লোকাষ্টকেন ত্রিদশমুনিসমাদিষ্টমন্ত্রাঙ্গজন্মা ।
য়স্তাং ভক্ত্যা সমেতঃ শুচিরিহ পঠতে নিত্যমস্যাখিলেষ্টং
দত্বানিষ্টং চ হন্তি প্রথিতসুমহিমা প্রাণিবৃন্দপ্রণেতা ॥ ৯॥

ইতি শ্রীভোগাপুরেশাষ্টকম্ ।

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *