ಶ್ರೀದಕ್ಷಿಣಾಮೂರ್ತ್ಯಷ್ಟಕಂ Lyrics in Kannada:
ಅಗಣಿತಗುಣಗಣಮಪ್ರಮೇಮಾದ್ಯಂ
ಸಕಲಜಗತ್ಸ್ಥಿತಿಸಮ್ಯಮಾದಿಹೇತುಮ್ ।
ಉಪರತಮನೋಯೋಗಿಹೃನ್ಮನ್ದಿರಮ್ತಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ ॥ 1॥
ನಿರವಧಿಸುಖಮಿಷ್ಟದಾತಾರಮೀಡ್ಯಂ
ನತಜನಮನಸ್ತಾಪಭೇದೈಕದಕ್ಷಮ್ ।
ಭವವಿಪಿನದವಾಗ್ನಿನಾಮಧೇಯಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ ॥ 2॥
ತ್ರಿಭುವನಗುರುಮಾಗಮೈಕಪ್ರಮಾಣಂ
ತ್ರಿಜಗತ್ಕಾರಣಸೂತ್ರಯೋಗಮಾಯಮ್ ।
ರವಿಶತಭಾಸ್ವರಮೀಹಿತಪ್ರಧಾನಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ ॥ 3॥
ಅವಿರತಭವಭಾವನಾದಿದೂರಂ
ಪದಪದ್ಮದ್ವಯಭಾವಿನಾಮದೂರಮ್ ।
ಭವಜಲಧಿಸುತಾರಣಮಂಘ್ರಿಪೋತಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ ॥ 4॥
ಕೃತನಿಲಯಮನಿಶಂ ವಟಾಕಮೂಲೇ
ನಿಗಮಶಿಖಾವ್ರಾತಬೋಧಿತೈಕರೂಪಮ್ ।
ಧೃತಮುದ್ರಾಂಗುಳಿಗಮ್ಯಚಾರುರೂಪಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ ॥ 5॥
ದ್ರುಹಿಣಸುತಪೂಜಿತಾಂಘ್ರಿಪದ್ಮಂ
ಪದಪದ್ಮಾನತಮೋಕ್ಷದಾನದಕ್ಷಮ್ ।
ಕೃತಗುರುಕುಲವಾಸಯೋಗಿಮಿತ್ರಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ ॥ 6॥
ಯತಿವರಹೃದಯೇ ಸದಾ ವಿಭಾನ್ತಂ
ರತಿಪತಿಶತಕೋಟಿಸುನ್ದರಾಂಗಮಾದ್ಯಮ್ ।
ಪರಹಿತನಿರತಾತ್ಮನಂ ಸುಸೇವ್ಯಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ ॥ 7॥
ಸ್ಮಿತಧವಳವಿಕಾಸಿತಾನನಾಬ್ಜಂ
ಶ್ರುತಿಸುಲಭಂ ವೃಷಭಾಧಿರೂಢಗಾತ್ರಮ್ ।
ಸಿತಜಲಜಸುಶೋಭಿದೇಹಕಾನ್ತಿಂ
ಸತತಮಹಂ ದಕ್ಷಿಣಾಮೂರ್ತಿಮೀಡೇ ॥ 8॥
ವೃಷಭಕೃತಮಿದಮಿಷ್ಟಸಿದ್ಧಿದಂ
ಗುರುವರದೇವಸನ್ನಿಧೌ ಪಠೇದ್ಯಃ ।
ಸಕಲದುರಿತದುಃಖವರ್ಗಹಾನಿಂ
ವ್ರಜತಿ ಚಿರಂ ಜ್ಞಾನವಾನ್ ಶಮ್ಭುಲೋಕಮ್ ॥ 9॥
ಇತಿ ಶ್ರೀದಕ್ಷಿಣಾಮೂರ್ತ್ಯಷ್ಟಕಂ ಸಮ್ಪೂರ್ಣಮ್ ।