শ্রীদেবরাজাষ্টকম্ Lyrics in Bengali:
দেবরাজাষ্টকম্
(কাঞ্চ্যাং বরদরাজ ক্ষেত্রে)
নমস্তে হস্তিশৈলেশ শ্রীমন্নম্বুজলোচন ।
শরণং ত্বাং প্রপন্নোঽস্মি প্রণতার্তিহরাচ্যুত ॥ ১॥
সমস্তপ্রাণিসন্ত্রাণপ্রবীণকরুণোল্বণাঃ ।
বিলসন্তু কটাক্ষাস্তে ময়্যস্মিন্ জগতাং পতে ॥ ২॥
নিন্দিতাচারকরণং নিবৃত্তং কৃত্যকর্মণঃ ।
পাপীয়াংসমমর্যাদং পাহি মাং বরদ প্রভো ॥ ৩॥
সংসারমরুকান্তারে দুর্ব্যাধিব্যাঘ্রভীষিণে ।
বিষয়ক্ষুদ্রগুল্মাঢ্যে তৃষাপাদপশালিনি ॥ ৪॥
পুত্রদারগৃহক্ষেত্রমৃগতৃষ্ণাম্বুপুষ্কলে ।
কৃত্যাকৃত্যবিবেকান্ধং পরিভ্রান্তমিতস্ততঃ ॥ ৫॥
অজস্রং জাততৃষ্ণার্তমবসন্নাঙ্গমক্ষমম্ ।
ক্ষীণশক্তিবলারোগ্যং কেবলং ক্লেশসংশ্রয়ম্ ॥ ৬॥
সন্তপ্তং বিবিধৈর্দুঃখৈর্দুর্বচৈরেবমাদিভিঃ ।
দেবরাজ দয়াসিন্ধো দেবদেব জগত্পতে ॥ ৭॥
ত্বদীক্ষণসুধাসিন্ধুবীচিবিক্ষেপশীকরৈঃ ।
কারুণ্যমারুতানীতৈশ্শীতলৈরভিষিঞ্চ মাম্ ॥ ৮॥
ইতি শ্রীকাঞ্চীপূর্ণবিরচিতং দেবরাজাষ্টকং সম্পূর্ণম্ ।
