Templesinindiainfo

Best Spiritual Website

Shri Ganganarayanadevashtakam Lyrics in Bengali | শ্রীগঙ্গানারায়ণদেবাষ্টকম্

শ্রীগঙ্গানারায়ণদেবাষ্টকম্ Lyrics in Bengali:

কুলস্থিতান্ কর্মিণ উদ্দিধীর্ষু-
র্গঙ্গৈব য়স্মিন্ কৃপয়াবিশেষ ।
শ্রীচক্রবর্তী দয়তাং স গঙ্গা
নারায়ণঃ প্রেমরসাম্বুধির্মাম্ ॥ ১॥

নরোত্তমো ভক্ত্যবতার এব
য়স্মিন্ স্বভক্তিং নিদধৌ মুদৈব ।
শ্রীচক্রবর্তী দয়তাং স গঙ্গা
নারায়ণঃ প্রেমরসাম্বুধির্মাম্ ॥ ২॥

বৃন্দাবনে য়স্য য়শঃ প্রসিদ্ধং
অদ্যাপি গীয়তে সতাং সদঃসু ।
শ্রীচক্রবর্তী দয়তাং স গঙ্গা
নারায়ণঃ প্রেমরসাম্বুধির্মাম্ ॥ ৩॥

শ্রীগোবিন্দদেবদ্বিভুজত্বশংসি
শ্রুতিং বদন্ সদ্বিপদং নিরাস্থত্ ।
শ্রীচক্রবর্তী দয়তাং স গঙ্গা
নারায়ণঃ প্রেমরসাম্বুধির্মাম্ ॥ ৪॥

সৌশীল্যয়ুক্তো গুণরত্নরাশিঃ
পাণ্ডিত্যসারঃ প্রতিভাবিবস্বান্ ।
শ্রীচক্রবর্তী দয়তাং স গঙ্গা
নারায়ণঃ প্রেমরসাম্বুধির্মাম্ ॥ ৫॥

জনান্ কৃপাদৃষ্টিভিরেব সদ্যঃ
প্রপদ্যমানান্ স্বপদেঽকরোদ্যঃ ।
শ্রীচক্রবর্তী দয়তাং স গঙ্গা
নারায়ণঃ প্রেমরসাম্বুধির্মাম্ ॥ ৬॥

লোকে প্রভুত্বং স্থিরভক্তিয়োগং
য়স্মৈ স্বয়ং গৌরহরির্ব্যতানীত্ ।
শ্রীচক্রবর্তী দয়তাং স গঙ্গা
নারায়ণঃ প্রেমরসাম্বুধির্মাম্ ॥ ৭॥

বৃন্দাবনীয়াতিরহস্যভক্তের্জ্ঞানং
বিনা য়ঃ ন কুতোঽপি সিদ্ধ্যেত্ ।
শ্রীচক্রবর্তী দয়তাং স গঙ্গা
নারায়ণঃ প্রেমরসাম্বুধির্মাম্ ॥ ৮॥

বিশ্রম্ভবান্ য়শ্চরণেষু
গঙ্গানারায়ণপ্রেমাম্বুরাশেঃ ।
এতত্পঠেদষ্টকমেকচিত্তঃ
স তত্পরীবারপদং প্রয়াতি ॥ ৯॥

ইতি শ্রীবিশ্বনাথচক্রবর্তিঠক্কুরবিরচিতস্তবামৃতলহর্যাং
শ্রীশ্রীগঙ্গানারায়ণদেবাষ্টকং সম্পূর্ণম্ ॥

Shri Ganganarayanadevashtakam Lyrics in Bengali | শ্রীগঙ্গানারায়ণদেবাষ্টকম্

Leave a Reply

Your email address will not be published. Required fields are marked *

Scroll to top