Shri Gokulanathashtakam Lyrics in Malayalam | ശ്രീഗോകുലനാഥാഷ്ടകം
ശ്രീഗോകുലനാഥാഷ്ടകം Lyrics in Malayalam:
ഭവഭീതജനാഖിലഭീതിഹരം
ഹരവന്ദിതനന്ദതനൂജരതം ।
രതവൃദ്ധഗുരുദ്വിജഭൃത്യജനം
ജനദുര്ലഭമാര്‍ഗസുബോധകരം ॥ 1॥
കരപദ്മസുസേവിതശൈലധരം
ധരണീതലവിശ്രുതസാധുഗുണം ।
ഗുണസിന്ധുവിമര്‍ദിതദുഷ്ടമുഖം
മുഖകല്‍പിതമാര്‍ഗനിവൃത്തിപരം ॥ 2॥
പരമപ്രിയമങ്ഗലവേഷധരം
വരബന്ധുസുഹൃത്സുതലബ്ധസുഖം ।
സുഖസാഗരമംബുജചാരുമുഖം
മുഖപങ്കജകീര്‍തിതകൃഷ്ണകഥം ॥ 3॥
കഥനീയഗുണാമൃതവാരിനിധിം
നിധിസേവിതമര്‍ചിതപദ്മപദം ।
പദപങ്കജസംശ്രിതവിജ്ഞബുധം
ബുധവിഠ്ഠലനാഥചതുര്‍ഥസുതം ॥ 4॥
സുതരാം കരുണാബ്ധിമനന്തഗുണം
ഗുണരത്നവിരാജിതശുദ്ധതനും ।
തനുരത്നവശീകൃതനന്ദസുതം
സുതമിത്രകലത്രസുസേവ്യപദം ॥ 5॥
പദപങ്കജപാവിതസാധുജനം
ജനഹേതുഗൃഹീതമനുഷ്യതനും ।
തനുകാന്തിതിരസ്കൃതപഞ്ചശരം
ശരണാഗതരക്ഷിതഭക്തജനം ॥ 6॥
ജനതോഷണപോഷണദത്തഹൃദം
ഹൃദയാര്‍പിതഗോപവധൂരമണം ।
രമണീയതരാമലഭക്തികൃതം
കൃതകൃഷ്ണകഥാമൃതതൃപ്തജനം ॥ 7॥
ജനവാഞ്ഛിതകാമദരത്നഗുണം
ഗുണഭൂഷണഭൂഷിതലോകഗുരും ।
ഗുരുഗോകുലനാഥമുപാസ്യമഹം
മഹതാം പരിസേവിതമാകലയേ ॥ 8॥
ശ്രീമദ്ഗോകുലനാഥാനാമഷ്ടകം യഃ പഠേന്നരഃ ।
ഗോകുലേശപദാംഭോജഭക്തിം സ ലഭതേ പരാം ॥ 9॥
ഇതി സിംഹാവലോകയമകഗര്‍ഭ ശ്രീഗോകുലനാഥാഷ്ടകം സമ്പൂര്‍ണം ।
