শ্রীগোকুলেশাষ্টকম্ Lyrics in Bengali:
নন্দগোপভূপবংশভূষণং বিভূষণং var বিদূষণং
ভূমিভূতিভুরিভাগ্যভাজনং ভয়াপহম্ ।
ধেনুধর্মরক্ষণাবতীর্ণপূর্ণবিগ্রহম্
নীলবারিবাহকান্তিগোকুলেশমাশ্রয়ে ॥ ১॥
গোপবালসুন্দরীগণাবৃতং কলানিধিং
রাসমণ্ডলীবিহারকারিকামসুন্দরম্ ।
পদ্ময়োনিশঙ্করাদিদেববৃন্দবন্দিতং
নীলবারিবাহকান্তিগোকুলেশমাশ্রয়ে ॥ ২॥
গোপরাজরত্নরাজিমন্দিরানুরিঙ্গণং
গোপবালবালিকাকলানুরুদ্ধগায়নম্ ।
সুন্দরীমনোজভাবভাজনাম্বুজাননং
নীলবারিবাহকান্তিগোকুলেশমাশ্রয়ে ॥ ৩॥
কংসকেশিকুঞ্জরাজদুষ্টদৈত্যদারণং
ইন্দ্রসৃষ্টবৃষ্টিবারিবারণোদ্ধৃতাচলম্ ।
কামধেনুকারিতাভিধানগানশোভিতং
নীলবারিবাহকান্তিগোকুলেশমাশ্রয়ে ॥ ৪॥
গোপিকাগৃহান্তগুপ্তগব্যচৌর্যচঞ্চলং
দুগ্ধভাণ্ডভেদভীতলজ্জিতাস্যপঙ্কজম্ ।
ধেনুধূলিধূসরাঙ্গশোভিহারনূপুরং
নীলবারিবাহকান্তিগোকুলেশমাশ্রয়ে ॥ ৫॥
বত্সধেনুগোপবালভীষণোত্থবহ্নিপং
কেকিপিচ্ছকল্পিতাবতংসশোভিতাননম্ ।
বেণুবাদ্যমত্তধোষসুন্দরীমনোহরং
নীলবারিবাহকান্তিগোকুলেশমাশ্রয়ে ॥ ৬॥
গর্বিতামরেন্দ্রকল্পকল্পিতান্নভোজনং
শারদারবিন্দবৃন্দশোভিহংসজারতম্ ।
দিব্যগন্ধলুব্ধভৃঙ্গপারিজাতমালিনং
নীলবারিবাহকান্তিগোকুলেশমাশ্রয়ে ॥ ৭॥
বাসরাবসানগোষ্ঠগামিগোগণানুগং
ধেনুদোহদেহগেহমোহবিস্ময়ক্রিয়ম্ ।
স্বীয়গোকুলেশদানদত্তভক্তরক্ষণং
নীলবারিবাহকান্তিগোকুলেশমাশ্রয়ে ॥ ৮॥
॥ ইতি শ্রীরঘুনায়প্রভুবিরচিতং শ্রীগোকুলেশাষ্টকং সম্পূর্ণম্ ॥
