శ్రీగోకులేశాష్టకమ్ Lyrics in Telugu:
నన్దగోపభూపవంశభూషణం విభూషణం var విదూషణం
భూమిభూతిభురిభాగ్యభాజనం భయాపహమ్ ।
ధేనుధర్మరక్షణావతీర్ణపూర్ణవిగ్రహమ్
నీలవారివాహకాన్తిగోకులేశమాశ్రయే ॥ ౧॥
గోపబాలసున్దరీగణావృతం కలానిధిం
రాసమణ్డలీవిహారకారికామసున్దరమ్ ।
పద్మయోనిశఙ్కరాదిదేవవృన్దవన్దితం
నీలవారివాహకాన్తిగోకులేశమాశ్రయే ॥ ౨॥
గోపరాజరత్నరాజిమన్దిరానురిఙ్గణం
గోపబాలబాలికాకలానురుద్ధగాయనమ్ ।
సున్దరీమనోజభావభాజనామ్బుజాననం
నీలవారివాహకాన్తిగోకులేశమాశ్రయే ॥ ౩॥
కంసకేశికుఞ్జరాజదుష్టదైత్యదారణం
ఇన్ద్రసృష్టవృష్టివారివారణోద్ధృతాచలమ్ ।
కామధేనుకారితాభిధానగానశోభితం
నీలవారివాహకాన్తిగోకులేశమాశ్రయే ॥ ౪॥
గోపికాగృహాన్తగుప్తగవ్యచౌర్యచఞ్చలం
దుగ్ధభాణ్డభేదభీతలజ్జితాస్యపఙ్కజమ్ ।
ధేనుధూలిధూసరాఙ్గశోభిహారనూపురం
నీలవారివాహకాన్తిగోకులేశమాశ్రయే ॥ ౫॥
వత్సధేనుగోపబాలభీషణోత్థవహ్నిపం
కేకిపిచ్ఛకల్పితావతంసశోభితాననమ్ ।
వేణువాద్యమత్తధోషసున్దరీమనోహరం
నీలవారివాహకాన్తిగోకులేశమాశ్రయే ॥ ౬॥
గర్వితామరేన్ద్రకల్పకల్పితాన్నభోజనం
శారదారవిన్దవృన్దశోభిహంసజారతమ్ ।
దివ్యగన్ధలుబ్ధభృఙ్గపారిజాతమాలినం
నీలవారివాహకాన్తిగోకులేశమాశ్రయే ॥ ౭॥
వాసరావసానగోష్ఠగామిగోగణానుగం
ధేనుదోహదేహగేహమోహవిస్మయక్రియమ్ ।
స్వీయగోకులేశదానదత్తభక్తరక్షణం
నీలవారివాహకాన్తిగోకులేశమాశ్రయే ॥ ౮॥
॥ ఇతి శ్రీరఘునాయప్రభువిరచితం శ్రీగోకులేశాష్టకం సమ్పూర్ణమ్ ॥
