શ્રીગોકુલેશાષ્ટકમ્ ૪ Lyrics in Gujarati:
ઉદ્ધર્તું ધરણીતલે નિજબલેનૈવ સ્વકીયામ્ જનાન્
આવિર્ભૂય તથા કૃપાપરવશઃ શ્રીવિઠ્ઠલેશાલયે ।
યઃ શ્રીભાગવતસ્ય તત્ત્વવિવૃતેશ્ચક્રે પ્રવાહં વચઃ
પીયૂષૈરતિપોષણાય સતતં શ્રીગોકુલેશોઽવતુ ॥ ૧॥
યઃ પુષ્ટિમાર્ગગતભાવવિભાવનૈકં
દક્ષઃ સમક્ષમપિ સન્નિધિસેવકાનામ્ ।
યો જ્ઞાનગૂઢહૃદયઃ સદયઃ સદૈવ
સેવાસુખં મમ તનોતુ સ ગોકુલેશઃ ॥ ૨॥
યઃ સેવ્યઃ સતતં સતાં નિજફલપ્રેપ્સાવદાવિર્તના-
માચાર્યોદિતશુદ્ધપુષ્ટિસુપથે નિત્યાનુકમ્પાધરઃ ।
યદ્દૃષ્ટ્યૈવ હૃદન્ધકારનિચયો યાયાત્ક્ષણાત્ક્ષીણતા-
માનન્દં મુહુરાતનોતુ મધુરાકારઃ પ્રભુર્વલ્લનભઃ ॥ ૩॥
યો માયામતવર્તિદુષ્ટવદનધ્વંસં વચોભિર્નિજૈઃ
કુર્વન્ સેવકસર્વલોકહૃદયાનન્દં સદા પોષયન્ ।
તદ્ભાવં સુદૃઢં કરોતિ કૃપયા દાસૈકહૃદ્યાતયા
યાતાનાં શરણં હૃદા સમનસા મોદં સદા યચ્છતુ ॥ ૪॥
હસદ્વદનપઙ્કજસ્ફુરદમન્દભાવાર્દ્રદૃક્
કપોલવિલસદ્રજોદ્વયવિમિશ્રતામ્બૂલદઃ ।
સમુન્નતસુનાસિકઃ સરસચારુબિમ્બાધરો
હરત્વખિલસેવિનાં ચિરવિયોગતાપં ક્ષણાત્ ॥ ૫॥
મનોજમધુરાકૃતિર્નિજમનોવિદોદોદ્ગતિ
કૃતે જનમનોહૃતૌ વિરતિકારકઃ સંસૃતૌ ।
સ્વભાવપરિપોષકો ભવસમુદ્રસંશોષકઃ
કરોતુ વરણં સદા સફલમત્ર વૈ વલ્લભઃ ॥ ૬॥
ગોધૂમમેચકમનોહરવર્ણદેહો
યઃ કેશકૃષ્ણનિચયોલ્લસદુત્તમાઙ્ગઃ ।
સૂક્ષ્મોત્તરીયકટિવસ્ત્રવિરાજિતાઙ્ગઃ
સઙ્ગં તનોતુ મુદમદ્ભુતગોકુલેશઃ ॥ ૭॥
તાતાજ્ઞૈકપરાયણાશયવિદાં વર્યઃ પરાનન્દદો
માલા યેન સુરક્ષિતા નિજમહાયત્નેન કણ્ઠે સતામ્ ।
ધર્મો યેન વિવર્ધિતઃ પિતૃપદાચારૈઃ સદા સર્વતઃ
સ શ્રીગોકુલનાયકઃ કરુણયા ભૂયાદ્વશે સેવિનામ્ ॥ ૮॥
સર્વં સાધનજાતમત્ર વિફલં નૂનં વિદિત્વા જના
નિત્યં તં ભજત પ્રિયં પ્રભુમયં ત્યક્ત્વેતરસ્યાશ્રયમ્ ।
તન્નામાનિ જપન્તુ રૂપમખિલં સઞ્જિન્તયન્તુ સ્વયં
સૌખ્યં તત્પદભાવતોઽભિલષિતં સર્વં સ્વતઃ પ્રાપ્સ્યતે ॥ ૯॥
ઇતિ શ્રીહરિરાયવિરચિતં શ્રીગોકુલેશાષ્ટકં સમ્પૂર્ણમ્ ।
