ಶ್ರೀಗೋಕುಲೇಶಶಯನಾಷ್ಟಕಮ್ Lyrics in Kannada:
ಪ್ರಾತಃ ಸ್ಮರಾಮಿ ಗುರುಗೋಕುಲನಾಥಸಂಜ್ಞಂ
ಸಂಸಾರಸಾಗರಸಮುತ್ತರಣೈಕಸೇತುಮ್ ।
ಶ್ರೀಕೃಷ್ಣಚನ್ದ್ರಚರಣಾಮ್ಬುಜಸರ್ವಕಾಲ-
ಸಂಶುದ್ಧಸೇವನವಿಧೌ ಕಮಲಾವತಾರಮ್ ॥ 1॥
ಪ್ರಸ್ವಾಪ್ಯ ನನ್ದತನಯಂ ಪ್ರಣಯೇನ ಪಶ್ಚಾ-
ದಾನನ್ದಪೂರ್ಣನಿಜಮನ್ದಿರಮಭ್ಯುಪೇತಮ್ ।
ಸ್ಥೂಲೋಪಧಾನಸಹಿತಾಸನಸನ್ನಿಷಣ್ಣಂ
ಶ್ರೀಗೋಕುಲೇಶಮನಿಶಂ ನಿಶಿ ಚಿನ್ತಯಾಮಿ ॥ 2॥
ಅಭ್ಯಗ್ರಭಕ್ತಕರದತ್ತಸಿತಾಭ್ರಯುಕ್ತಂ
ತಾಮ್ಬೂಲಪೂರ್ಣವದನಂ ಸದನಂ ರಸಾಬ್ಧೇಃ ।
ಆವೇಷ್ಟಿತಂ ಪರಿತ ಆತ್ಮಜನೈರಶೇಷೈಃ
ಶ್ರೀಗೋಕುಲೇಶಮನಿಶಂ ನಿಶಿ ಚಿನ್ತಯಾಮಿ ॥ 3॥
ಜಾತೇ ತಥಾ ಪ್ರಭುಕಥಾಕಥನೇ ತದಾನೀ-
ಮುತ್ಥಾಪಿತೇ ಪರಿಚಯೇಣ ಪೃಥೂಪಧಾನೇ ।
ಗನ್ತುಂ ಗೃಹಾಯ ಸುಹೃದಃ ಸ್ವಯಮುಕ್ತವನ್ತಂ
ಶ್ರೀಗೋಕುಲೇಶಮನಿಶಂ ನಿಶಿ ಚಿನ್ತಯಾಮಿ ॥ 4॥
ನಿತ್ಯೋಲ್ಲಸನ್ನವರಸೌಘನಿವಾಸರೂಪಂ
ಸೌನ್ದರ್ಯನಿರ್ಜಿತಜಗಜ್ಜಯಿಕಾಮಭೂಪಮ್ ।
ಸ್ವಪ್ರೇಯಸೀಜನಮನೋಹರಚಾರುವೇಷಂ
ಸಂಚಿನ್ತಯಾಮಿ ಶಯನೇ ನಿಶಿ ಗೋಕುಲೇಶಮ್ ॥ 5॥
ಕಸ್ತೂರಿಕಾದಿತನುಲೇಪವಿಸಾರಿಗನ್ಧಂ
ಪುಷ್ಪಸ್ರಗನ್ತರಲಸತ್ತನುಮೌಲಿಬನ್ಧಮ್ ।
ಸಂವಾಹಿತಾಂಘ್ರಿಯುಗಲಂ ನಿಜಮುಖ್ಯಭಕ್ತೈಃ
ಸಂಚಿನ್ತಯಾಮಿ ಶಯನೇ ನಿಶಿ ಗೋಕುಲೇಶಮ್ ॥ 6॥
ಸಪ್ರೇಮಹಾಸ್ಯವಚನೈಃ ಕತಿಚಿತ್ಸ್ವಕೀಯಾನ್
ಸ್ಥಿತ್ವಾ ಕ್ಷಣಂ ನಿಜಗೃಹಾಯ ನಿದಿಷ್ಟವನ್ತಮ್ ।
ಶಯ್ಯೋಪವೇಶಸಮಯೋಚಿತ್ತವೇಷಭಾಜಂ
ಸಂಚಿನ್ತಯಾಮಿ ಶಯನೇ ನಿಶಿ ಗೋಕುಲೇಶಮ್ ॥ 7॥
ನಿದ್ರಾಗಮಾತ್ ಪ್ರಥಮತೋ ನಿಜಸುನ್ದರೀಭಿಃ
ಸಂಸೇವಿತಂ ತದಖಿಲೇನ್ದ್ರಿಯವೃತ್ತಿಭಾಗ್ಯಮ್ ।
ಶೃಂಗಾರಸಾರಮಧಿರಾಜಮುದಾರವೇಷಂ
ಸಂಚಿನ್ತಯಾಮಿ ಶಯನೇ ನಿಶಿ ಗೋಕುಲೇಶಮ್ ॥ 8॥
ಸ್ವಚ್ಛೋಪರಿಚ್ಛದಲಸಚ್ಛಯನೋಪವಿಷ್ಟಂ
ಸಸ್ನೇಹಭಕ್ತಸುಖಸೇವಿತಪಾದಪದ್ಮಮ್ ।
ನಿದ್ರಾವಧೂಸ್ವಸಮಯೇಪ್ಸಿತಸಂಗಸೌಖ್ಯಂ
ಸಂಚಿನ್ತಯಾಮಿ ಶಯನೇ ನಿಶಿ ಗೋಕುಲೇಶಮ್ ॥ 9॥
ಶ್ರೀಗೋಕುಲೇಶಶಯನಾಷ್ಟಕಮಾದರೇಣ
ಶ್ರೀಕೃಷ್ಣರಾಯರಚಿತಂ ಸರಸಾರ್ಥಪದ್ಯಮ್ ।
ಸಂಚಿನ್ತಿತಾಖಿಲಫಲಪ್ರದಮಿಷ್ಟಸಿದ್‍ಧ್ಯೈ
ಸಂಚಿನ್ತಯನ್ತು ನಿಶಿ ತಚ್ಚರಣೈಕಚಿತ್ತಾಃ ॥ 10॥
ಇತಿ ಶ್ರೀಕೃಷ್ಣರಾಯವಿರಚಿತಂ ಶ್ರೀಶಯನಾಷ್ಟಕಂ ಸಮ್ಪೂರ್ಣಮ್ ।
