ശ്രീഗോകുലേശശയനാഷ്ടകം Lyrics in Malayalam:
പ്രാതഃ സ്മരാമി ഗുരുഗോകുലനാഥസംജ്ഞം
സംസാരസാഗരസമുത്തരണൈകസേതും ।
ശ്രീകൃഷ്ണചന്ദ്രചരണാംബുജസര്‍വകാല-
സംശുദ്ധസേവനവിധൌ കമലാവതാരം ॥ 1॥
പ്രസ്വാപ്യ നന്ദതനയം പ്രണയേന പശ്ചാ-
ദാനന്ദപൂര്‍ണനിജമന്ദിരമഭ്യുപേതം ।
സ്ഥൂലോപധാനസഹിതാസനസന്നിഷണ്ണം
ശ്രീഗോകുലേശമനിശം നിശി ചിന്തയാമി ॥ 2॥
അഭ്യഗ്രഭക്തകരദത്തസിതാഭ്രയുക്തം
താംബൂലപൂര്‍ണവദനം സദനം രസാബ്ധേഃ ।
ആവേഷ്ടിതം പരിത ആത്മജനൈരശേഷൈഃ
ശ്രീഗോകുലേശമനിശം നിശി ചിന്തയാമി ॥ 3॥
ജാതേ തഥാ പ്രഭുകഥാകഥനേ തദാനീ-
മുത്ഥാപിതേ പരിചയേണ പൃഥൂപധാനേ ।
ഗന്തും ഗൃഹായ സുഹൃദഃ സ്വയമുക്തവന്തം
ശ്രീഗോകുലേശമനിശം നിശി ചിന്തയാമി ॥ 4॥
നിത്യോല്ലസന്നവരസൌഘനിവാസരൂപം
സൌന്ദര്യനിര്‍ജിതജഗജ്ജയികാമഭൂപം ।
സ്വപ്രേയസീജനമനോഹരചാരുവേഷം
സഞ്ചിന്തയാമി ശയനേ നിശി ഗോകുലേശം ॥ 5॥
കസ്തൂരികാദിതനുലേപവിസാരിഗന്ധം
പുഷ്പസ്രഗന്തരലസത്തനുമൌലിബന്ധം ।
സംവാഹിതാങ്ഘ്രിയുഗലം നിജമുഖ്യഭക്തൈഃ
സഞ്ചിന്തയാമി ശയനേ നിശി ഗോകുലേശം ॥ 6॥
സപ്രേമഹാസ്യവചനൈഃ കതിചിത്സ്വകീയാന്‍
സ്ഥിത്വാ ക്ഷണം നിജഗൃഹായ നിദിഷ്ടവന്തം ।
ശയ്യോപവേശസമയോചിത്തവേഷഭാജം
സഞ്ചിന്തയാമി ശയനേ നിശി ഗോകുലേശം ॥ 7॥
നിദ്രാഗമാത് പ്രഥമതോ നിജസുന്ദരീഭിഃ
സംസേവിതം തദഖിലേന്ദ്രിയവൃത്തിഭാഗ്യം ।
ശൃങ്ഗാരസാരമധിരാജമുദാരവേഷം
സഞ്ചിന്തയാമി ശയനേ നിശി ഗോകുലേശം ॥ 8॥
സ്വച്ഛോപരിച്ഛദലസച്ഛയനോപവിഷ്ടം
സസ്നേഹഭക്തസുഖസേവിതപാദപദ്മം ।
നിദ്രാവധൂസ്വസമയേപ്സിതസങ്ഗസൌഖ്യം
സഞ്ചിന്തയാമി ശയനേ നിശി ഗോകുലേശം ॥ 9॥
ശ്രീഗോകുലേശശയനാഷ്ടകമാദരേണ
ശ്രീകൃഷ്ണരായരചിതം സരസാര്‍ഥപദ്യം ।
സഞ്ചിന്തിതാഖിലഫലപ്രദമിഷ്ടസിദ്‍ധ്യൈ
സഞ്ചിന്തയന്തു നിശി തച്ചരണൈകചിത്താഃ ॥ 10॥
ഇതി ശ്രീകൃഷ്ണരായവിരചിതം ശ്രീശയനാഷ്ടകം സമ്പൂര്‍ണം ।
