Templesinindiainfo

Best Spiritual Website

Shri Gopaladevashtakam Lyrics in Malayalam | ശ്രീഗോപാലദേവാഷ്ടകം

ശ്രീഗോപാലദേവാഷ്ടകം Lyrics in Malayalam:

മധുരമൃദുലചിത്തഃ പ്രേമമാത്രൈകവിത്തഃ
സ്വജനരചിതവേഷഃ പ്രാപ്തശോഭാവിശേഷഃ ।
വിവിധമണിമയാലങ്കാരവാന്‍ സര്‍വകാലം
സ്ഫുരതു ഹൃദി സ ഏവ ശ്രീലഗോപാലദേവഃ ॥ 1॥

നിരുപമഗുണരൂപഃ സര്‍വമാധുര്യഭൂപഃ
ശ്രിതതനുരുചിദാസ്യഃ കോടിചന്ദ്രസ്തുതാസ്യഃ ।
അമൃതവിജയിഹാസ്യഃ പ്രോച്ഛലച്ചില്ലിലാസ്യഃ
സ്ഫുരതു ഹൃദി സ ഏവ ശ്രീലഗോപാലദേവഃ ॥ 2॥

ധൃതനവപരഭാഗഃ സവ്യഹസ്തസ്ഥിതാഗഃ
പ്രകടിതനിജകക്ഷഃ പ്രാപ്തലാവണ്യലക്ഷഃ ।
കൃതനിജജനരക്ഷഃ പ്രേമവിസ്താരദക്ഷഃ
സ്ഫുരതു ഹൃദി സ ഏവ ശ്രീലഗോപാലദേവഃ ॥ 3॥

ക്രമവലദനുരാഗസ്വപ്രിയാപാങ്ഗഭാഗ
ധ്വനിതരസവിലാസജ്ഞാനവിജ്ഞാപിഹാസഃ ।
സ്മൃതരതിപതിയാഗഃ പ്രീതിഹംസീതഡാഗഃ
സ്ഫുരതു ഹൃദി സ ഏവ ശ്രീലഗോപാലദേവഃ ॥ 4॥

മധുരിമഭരമഗ്നേ ഭാത്യസവ്യേഽവലഗ്നേ
ത്രിവലിരലസവത്ത്വാത്യസ്യ പുഷ്ടാനതത്വാത് ।
ഇതരത ഇഹ തസ്യാ മാരരേഖേവ രസ്യാ
സ്ഫുരതു ഹൃദി സ ഏവ ശ്രീലഗോപാലദേവഃ ॥ 5॥

വഹതി വലിതഹര്‍ഷം വാഹയംശ്ചാനുവര്‍ഷം
ഭജതി ച സഗണം സ്വം ഭോജയന്‍ യോഽര്‍പയന്‍ സ്വം ।
ഗിരിമുകുടമണിം ശ്രീദാമവന്‍മിത്രതാശ്രീഃ
സ്ഫുരതു ഹൃദി സ ഏവ ശ്രീലഗോപാലദേവഃ ॥ 6॥

അധിധരമനുരാഗം മാധവേന്ദ്രസ്യ തന്വം-
സ്തദമലഹൃദയോത്ഥാം പ്രേമസേവാം വിവൃണ്വന്‍ ।
പ്രകടിതനിജശക്ത്യാ വല്ലഭാചാര്യഭക്ത്യാ
സ്ഫുരതു ഹൃദി സ ഏവ ശ്രീലഗോപാലദേവഃ ॥ 7॥

പ്രതിദിനമധുനാപി പ്രേക്ഷ്യതേ സര്‍വദാപി
പ്രണയസുരസചര്യാ യസ്യ വര്യാ സപര്യാ ।
ഗണയതു കതി ഭോഗാന്‍ കഃ കൃതീ തത്പ്രയോഗാന്‍
സ്ഫുരതു ഹൃദി സ ഏവ ശ്രീലഗോപാലദേവഃ ॥ 8॥

ഗിരിധരവരദേവസ്യാഷ്ടകേനേമമേവ
സ്മരതി നിശി ദിനേ വാ യോ ഗൃഹേ വാ വനേ വാ ।
അകുടിലഹൃദയസ്യ പ്രേമദത്വേന തസ്യ
സ്ഫുരതു ഹൃദി സ ഏവ ശ്രീലഗോപാലദേവഃ ॥ 9॥

ഇതി ശ്രീവിശ്വനാഥചക്രവര്‍തിഠക്കുരവിരചിതസ്തവാമൃതലഹര്യാം
ശ്രീഗോപാലദേവാഷ്ടകം സമ്പൂര്‍ണം ।

Shri Gopaladevashtakam Lyrics in Malayalam | ശ്രീഗോപാലദേവാഷ്ടകം

Leave a Reply

Your email address will not be published. Required fields are marked *

Scroll to top