Templesinindiainfo

Best Spiritual Website

Shri Gopaladevashtakam Lyrics in Telugu | శ్రీగోపాలదేవాష్టకమ్

శ్రీగోపాలదేవాష్టకమ్ Lyrics in Telugu:

మధురమృదులచిత్తః ప్రేమమాత్రైకవిత్తః
స్వజనరచితవేషః ప్రాప్తశోభావిశేషః ।
వివిధమణిమయాలఙ్కారవాన్ సర్వకాలం
స్ఫురతు హృది స ఏవ శ్రీలగోపాలదేవః ॥ ౧॥

నిరుపమగుణరూపః సర్వమాధుర్యభూపః
శ్రితతనురుచిదాస్యః కోటిచన్ద్రస్తుతాస్యః ।
అమృతవిజయిహాస్యః ప్రోచ్ఛలచ్చిల్లిలాస్యః
స్ఫురతు హృది స ఏవ శ్రీలగోపాలదేవః ॥ ౨॥

ధృతనవపరభాగః సవ్యహస్తస్థితాగః
ప్రకటితనిజకక్షః ప్రాప్తలావణ్యలక్షః ।
కృతనిజజనరక్షః ప్రేమవిస్తారదక్షః
స్ఫురతు హృది స ఏవ శ్రీలగోపాలదేవః ॥ ౩॥

క్రమవలదనురాగస్వప్రియాపాఙ్గభాగ
ధ్వనితరసవిలాసజ్ఞానవిజ్ఞాపిహాసః ।
స్మృతరతిపతియాగః ప్రీతిహంసీతడాగః
స్ఫురతు హృది స ఏవ శ్రీలగోపాలదేవః ॥ ౪॥

మధురిమభరమగ్నే భాత్యసవ్యేఽవలగ్నే
త్రివలిరలసవత్త్వాత్యస్య పుష్టానతత్వాత్ ।
ఇతరత ఇహ తస్యా మారరేఖేవ రస్యా
స్ఫురతు హృది స ఏవ శ్రీలగోపాలదేవః ॥ ౫॥

వహతి వలితహర్షం వాహయంశ్చానువర్షం
భజతి చ సగణం స్వం భోజయన్ యోఽర్పయన్ స్వమ్ ।
గిరిముకుటమణిం శ్రీదామవన్మిత్రతాశ్రీః
స్ఫురతు హృది స ఏవ శ్రీలగోపాలదేవః ॥ ౬॥

అధిధరమనురాగం మాధవేన్ద్రస్య తన్వం-
స్తదమలహృదయోత్థాం ప్రేమసేవాం వివృణ్వన్ ।
ప్రకటితనిజశక్త్యా వల్లభాచార్యభక్త్యా
స్ఫురతు హృది స ఏవ శ్రీలగోపాలదేవః ॥ ౭॥

ప్రతిదినమధునాపి ప్రేక్ష్యతే సర్వదాపి
ప్రణయసురసచర్యా యస్య వర్యా సపర్యా ।
గణయతు కతి భోగాన్ కః కృతీ తత్ప్రయోగాన్
స్ఫురతు హృది స ఏవ శ్రీలగోపాలదేవః ॥ ౮॥

గిరిధరవరదేవస్యాష్టకేనేమమేవ
స్మరతి నిశి దినే వా యో గృహే వా వనే వా ।
అకుటిలహృదయస్య ప్రేమదత్వేన తస్య
స్ఫురతు హృది స ఏవ శ్రీలగోపాలదేవః ॥ ౯॥

ఇతి శ్రీవిశ్వనాథచక్రవర్తిఠక్కురవిరచితస్తవామృతలహర్యాం
శ్రీగోపాలదేవాష్టకం సమ్పూర్ణమ్ ।

Shri Gopaladevashtakam Lyrics in Telugu | శ్రీగోపాలదేవాష్టకమ్

Leave a Reply

Your email address will not be published. Required fields are marked *

Scroll to top