Templesinindiainfo

Best Spiritual Website

Shri Gopalalalashtakam Lyrics in Bengali | শ্রীগোপাললালাষ্টকম্

শ্রীগোপাললালাষ্টকম্ Lyrics in Bengali:

শ্রীমদাচার্যচরণৌ সাষ্টাঙ্গং প্রণিপন্পতৌ ।
বিরচ্যতেঽষ্টকমিদং শ্রীমদ্গোপালপুষ্টিদম্ ॥ ১॥

য়স্যানুকম্পাবশতঃ সুদুর্লভং
মানুষ্যমাপ্তং পরমস্য পুংসঃ ।
সর্বার্থদং দীনদয়ালুমেকং
গোপাললালং শরণং প্রপদ্যে ॥ ২॥

য়োঽদাত্স্বসেবোপয়িকং শরীরং
সাঙ্গং সমর্থং শুভমর্থদং চ ।
সেবাঽনভিজ্ঞঃ পরমস্য তস্য
গোপাললালং শরণং প্রপদ্যে ॥ ৩॥

নিজাঙ্গসন্দর্শনয়োগয়োগ্যতা
য়োঽদাদ্দৃশং মে পরমো দয়ালুঃ ।
তদঙ্গসৌন্দর্য্যরসাবভিজ্ঞো
গোপাললালং শরণং প্রপদ্যে ॥ ৪॥

শ্রীমত্কথাসংশ্রবণোপয়োগি-
শ্রোত্রং দদৌ য়ঃ করুণারসাব্ধিঃ ।
কথামৃতাস্বাদনমূঢচেতা
গোপাললালং শরণং প্রপদ্যে ॥ ৫॥

বাচং দদৌ শ্রীগুণজ্ঞানয়োগ্যাং
ব্রজাঙ্গনাঙ্গাভরণাঙ্গমূর্তিম্ ।
তথাপি নাম্নামনুকীর্তনেঽলসো
গোপাললালং শরণং প্রপদ্যে ॥ ৬॥

ঘ্রাণেন্দ্রিয়ং মে তুলসীবিমিশ্র-
পাদাঞ্জসন্দিগ্ধপরাগয়োগ্যম্ ।
দদৌ কৃপালুর্হ্যপরাধিনে য়ো
গোপাললালং শরণং প্রপদ্যে ॥ ৭॥

শিরশ্চ পাদাম্বুজসন্প্রণাম-
য়োগ্যং দদৌ য়ো য়দুবংশচন্দ্রঃ ।
স্তুত্যা চ নত্যা বিনয়েন হীনো
গোপাললালং শরণং প্রপদ্যে ॥ ৮॥

জনোঽপরাধানসকৃদ্বিকুর্বন্
শ্রোতো ভবেদ্যস্তু মনাক্ষমায়াম্ ।
নবালসস্তং করুণৈকবন্ধুং
গোপাললালং শরণং প্রপদ্যে ॥ ৯॥

ইতি শ্রীমদ্গোস্বামিশ্রীগিরধরজীকৃতং
শ্রীগোপাললালাষ্টকং সম্পূর্ণম্ ।

Shri Gopalalalashtakam Lyrics in Bengali | শ্রীগোপাললালাষ্টকম্

Leave a Reply

Your email address will not be published. Required fields are marked *

Scroll to top