శ్రీగోపీజనవల్లభాష్టకమ్ ౨ Lyrics in Telugu:
నవామ్బుదానీకమనోహరాయ ప్రఫుల్లరాజీవవిలోచనాయ
వేణుస్వనైర్మోదితగోకులాయ నమోఽస్తు గోపీజనవల్లభాయ ॥ ౧॥
కిరీటకేయూరవిభూషితాయ గ్రైవేయమాలామణిరఞ్జితాయ ।
స్ఫురచ్చలత్కాఞ్చనకుణ్డలాయ నమోఽస్తు గోపీజనవల్లభాయ ॥ ౨॥
దివ్యాఙ్గనావృన్దనిషేవితాయ స్మితప్రభాచారుముఖామ్బుజాయ ।
త్రైలోక్యసమ్మోహనసున్దరాయ నమోఽస్తు గోపీజనవల్లభాయ ॥ ౩॥
రత్నాదిమూలాలయమాశ్రితాయ కల్పద్రుమచ్ఛాయసమాశ్రితాయ ।
హేమస్ఫురన్మణ్డలమధ్యగాయ నమోఽస్తు గోపీజనవల్లభాయ ॥ ౪॥
శ్రీవత్సరోమావలిరఞ్జితాయ వక్షఃస్థలే కౌస్తుభభూషితాయ ।
సరోజకిఞ్జల్కనిభాంశుకాయ నమోఽస్తు గోపీజనవల్లభాయ ॥ ౫॥
దివ్యాఙ్గులీయాఙ్గులిరఞ్జితాయ మయూరపిచ్ఛచ్ఛవిశోభితాయ ।
వన్యస్రజాలఙ్కృతవిగ్రహాయ నమోఽస్తు గోపీజనవల్లభాయ ॥ ౬॥
మునీన్ద్రవృన్దైరభిసంస్తుతాయ క్షరత్పయోగోకులగోకులాయ ।
ధర్మార్థకామామృతసాధకాయ నమోఽస్తు గోపీజనవల్లభాయ ॥ ౭॥
ఏనస్తమఃస్తోమదివాకరాయ భక్తస్య చిన్తామణిసాధకాయ ।
అశేషదుఃఖామయభేషజాయ నమోఽస్తు గోపీజనవల్లభాయ ॥ ౮॥
ఇతి శ్రీవహ్నిసూనువిరచితం శ్రీగోపీజనవల్లభాష్టకం సమాప్తమ్ ।
