ശ്രീഗോവര്‍ധനാഷ്ടകം 1 Lyrics in Malayalam:
പ്രഥമം ശ്രീഗോവര്‍ധനാഷ്ടകം
നമഃ ശ്രീഗോവര്‍ധനായ ।
ഗോവിന്ദാസ്യോത്തംസിത വംശീക്വണിതോദ്യ-
ല്ലാസ്യോത്കണ്ഠാമത്തമയൂരവ്രജവീത ।
രാധാകുണ്ഡോത്തുങ്ഗതരങ്ഗാങ്കുരിതാങ്ഗ
പ്രത്യാശാം മേ ത്വം കുരു ഗോവര്‍ധന പൂര്‍ണാം ॥ 1॥
യസ്യോത്കര്‍ഷാദ് വിസ്മിതധീഭിര്‍വ്രജദേവീ
വൃന്ദൈര്‍വര്‍ഷം വണിതമാസ്തേ ഹരിദാസ്യം ।
ചിത്രൈര്യുഞ്ജന സ ദ്യുതിപുഞ്ജൈരഖിലാശാം
പ്രത്യാശാം മേ ത്വം കുരു ഗോവര്‍ധന പൂര്‍ണാം ॥ 2॥
വിന്ദദ്ഭിര്യോ മന്ദിരതാം കന്ദരവൃന്ദൈഃ
കന്ദൈശ്ചേന്ദോര്‍ബന്ധുഭിരാനന്ദയതീശം ।
വൈദൂര്യാഭൈര്‍നിര്‍ഝരതോയൈരപി സോഽയം
പ്രത്യാശാം മേ ത്വം കുരു ഗോവര്‍ധന പൂര്‍ണാം ॥ 3॥
ശശ്വദ്വിശ്വാലങ്കരണാലങ്കൃതിമേധ്യൈഃ
പ്രേംണാ ധൌതൈര്‍ധാതുഭിരുദ്ദീപിതസാനോ ।
നിത്യാക്രന്ദത്കന്ദര വേണുധ്വനിഹര്‍ഷാത്
പ്രത്യാശാം മേ ത്വം കുരു ഗോവര്‍ധന പൂര്‍ണാം ॥ 4॥
പ്രാജ്യാ രാജിര്യസ്യ വിരാജത്യുപലാനാം
കൃഷ്ണേനാസൌ സന്തതമധ്യാസിതമധ്യാ ।
സോഽയം ബന്ധുര്‍ബന്ധുരധര്‍മാ സുരഭാണാം
പ്രത്യാശാം മേ ത്വം കുരു ഗോവര്‍ധന പൂര്‍ണാം ॥ 5॥
നിര്‍ധുന്വാനഃ സംഹൃതിഹേതും ഘനവൃന്ദം
ജിത്വാ ജഭാരാതിമസംഭാവിതബാധം ।
സ്വാനാം വൈരം യഃ കില നിര്യാപിതവാന്‍ സഃ
പ്രത്യാശാം മേ ത്വം കുരു ഗോവര്‍ധന പൂര്‍ണാം ॥ 6॥
ബിഭ്രാണോ യഃ ശ്രീഭുജദണ്ഡോപരിഭര്‍തുശ്-
ഛത്രീഭാവം നാമ യഥാര്‍ഥം സ്വമകാര്‍ഷീത് ।
കൃഷ്ണോപജ്ഞം യസ്യ മഖസ്തിഷ്ഠതി സോഽയം
പ്രത്യാശാം മേ ത്വം കുരു ഗോവര്‍ധന പൂര്‍ണാം ॥ 7॥
ഗാന്ധര്‍വായാഃ കേലികലാബാന്ധവ കുഞ്ജേ
ക്ഷുണ്ണൈസ്തസ്യാഃ കങ്കണഹാരൈഃ പ്രയതാങ്ഗ ।
രാസക്രീഡാമണ്ഡിതയോപത്യകയാഢ്യ
പ്രത്യാശാം മേ ത്വം കുരു ഗോവര്‍ധന പൂര്‍ണാം ॥ 8॥
അദ്രോശ്രേണീശേഖര പദ്യാഷ്ടകമേതത്
കൃഷ്ണാംഭോദപ്രേഷ്ഠ പഠേദ് യസ്തവ ദേഹീ ।
പ്രേമാനന്ദം തുന്ദിലയന്‍ ക്ഷിപ്രമമന്ദം
തം ഹര്‍ഷേണ സ്വീകുരുതാം തേ ഹൃദയേശഃ ॥ 9॥
ഇതി ശ്രീരൂപഗോസ്വാമിവിരചിതസ്തവമാലായാം മത്തമയൂരാഖ്യം
പ്രഥമം ശ്രീഗോവര്‍ധനാഷ്ടകം സമ്പൂര്‍ണം ।
