Click here to Read Sri Hanumad Ashtakam Meaning in English:
Sri Hanumadashtakam in Oriya:
॥ ଶ୍ରୀହନୁମଦଷ୍ଟକଂ ॥
ହନୁମଦଷ୍ଟକଂ ଅଚ୍ୟୁତୟତିକୃତଂ
ଶ୍ରୀରଘୁରାଜପଦାବ୍ଜନିକେତନ ପଙ୍କଜଲୋଚନ ମଙ୍ଗଲରାଶେ
ଚଣ୍ଡମହାଭୁଜଦଣ୍ଡସୁରାରିଵିଖଣ୍ଡନପଣ୍ଡିତ ପାହି ଦୟାଲୋ ।
ପାତକିନଂ ଚ ସମୁଦ୍ଧର ମାଂ ମହତାଂ ହି ସତାମପି ମାନମୁଦାରଂ
ତ୍ଵାଂ ଭଜତୋ ମମ ଦେହି ଦୟାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ୟମ୍ ॥ ୧ ॥
ସଂସୃତିତାପମହାନଲଦଗ୍ଧତନୂରୁହମର୍ମତନୋରତିଵେଲଂ
ପୁତ୍ରଧନସ୍ଵଜନାତ୍ମଗୃହାଦିଷୁ ସକ୍ତମତେରତିକିଲ୍ବିଷମୂର୍ତେଃ ।
କେନଚିଦପ୍ୟମଲେନ ପୁରାକୃତପୁଣ୍ୟସୁପୁଞ୍ଜଲଵେନ ଵିଭୋ ଵୈ
ତ୍ଵାଂ ଭଜତୋ ମମ ଦେହି ଦୟାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ୟମ୍ ॥ ୨ ॥
ସଂସୃତିକୂପମନଲ୍ପମଘୋରନିଦାଘନିଦାନମଜସ୍ରମଶେଷଂ
ପ୍ରାପ୍ୟ ସୁଦୁଃଖସହସ୍ରଭୁଜଙ୍ଗଵିଷୈକସମାକୁଲସର୍ଵତନୋର୍ମେ ।
ଘୋରମହାକୃପଣାପଦମେଵ ଗତସ୍ୟ ହରେ ପତିତସ୍ୟ ଭଵାବ୍ଧୌ
ତ୍ଵାଂ ଭଜତୋ ମମ ଦେହି ଦୟାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ୟମ୍ ॥ ୩ ॥
ସଂସୃତିସିନ୍ଧୁଵିଶାଲକରାଲମହାବଲକାଲଝଷଗ୍ରସନାର୍ତଂ
ଵ୍ୟଗ୍ରସମଗ୍ରଧିୟଂ କୃପଣଂ ଚ ମହାମଦନକ୍ରସୁଚକ୍ରହୃତାସୁମ୍ ।
କାଲମହାରସନୋର୍ମିନିପୀଡିତମୁଦ୍ଧର ଦୀନମନନ୍ୟଗତିଂ ମାଂ
ତ୍ଵାଂ ଭଜତୋ ମମ ଦେହି ଦୟାଘନ ହେ ହନୁମନ୍ସ୍ଵପଦାମ୍ବୁଜଦାସ୍ୟମ୍ ॥ ୪ ॥
ସଂସୃତିଘୋରମହାଗହନେ ଚରତୋ ମଣିରଞ୍ଜିତପୁଣ୍ୟସୁମୂର୍ତେଃ
ମନ୍ମଥଭୀକରଘୋରମହୋଗ୍ରମୃଗପ୍ରଵରାର୍ଦିତଗାତ୍ରସୁସନ୍ଧେଃ ।
ମତ୍ସରତାପଵିଶେଷନିପୀଡିତବାହ୍ୟମତେଶ୍ଚ କଥଞ୍ଚିଦମେୟଂ
ତ୍ଵାଂ ଭଜତୋ ମମ ଦେହି ଦୟାଘନ ହେ ହନୁମନ୍ସ୍ଵପଦାମ୍ବୁଜଦାସ୍ୟମ୍ ॥ ୫ ॥
ସଂସୃତିଵୃକ୍ଷମନେକଶତାଘନିଦାନମନନ୍ତଵିକର୍ମସୁଶାଖଂ
ଦୁଃଖଫଲଂ କରଣାଦିପଲାଶମନଙ୍ଗସୁପୁଷ୍ପମଚିନ୍ତ୍ୟସୁମୂଲମ୍ ।
ତଂ ହ୍ୟଧିରୁହ୍ୟ ହରେ ପତିତଂ ଶରଣାଗତମେଵ ଵିମୋଚୟ ମୂଢଂ
ତ୍ଵାଂ ଭଜତୋ ମମ ଦେହି ଦୟାଘନ ହେ ହନୁମନ୍ସ୍ଵପଦାମ୍ବୁଜଦାସ୍ୟମ୍ ॥ ୬ ॥
ସଂସୃତିପନ୍ନଗଵକ୍ତ୍ରଭୟଙ୍କରଦଂଷ୍ଟ୍ରମହାଵିଷଦଗ୍ଧଶରୀରଂ
ପ୍ରାଣଵିନିର୍ଗମଭୀତିସମାକୁଲମନ୍ଦମନାଥମତୀଵ ଵିଷଣ୍ଣମ୍ ।
ମୋହମହାକୁହରେ ପତିତଂ ଦୟୟୋଦ୍ଧର ମାମଜିତେନ୍ଦ୍ରିୟକାମଂ
ତ୍ଵାଂ ଭଜତୋ ମମ ଦେହି ଦୟାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ୟମ୍ ॥ ୭ ॥
ଇନ୍ଦ୍ରିୟନାମକଚୌରଗଣୈର୍ହୃତତତ୍ତ୍ଵଵିଵେକମହାଧନରାଶିଂ
ସଂସୃତିଜାଲନିପାତିତମେଵ ମହାବଲିଭିଶ୍ଚ ଵିଖଣ୍ଡିତକାୟମ୍ ।
ତ୍ଵତ୍ପଦପଦ୍ମମନୁତ୍ତମମାଶ୍ରିତମାଶୁ କପୀଶ୍ଵର ପାହି କୃପାଲୋ
ତ୍ଵାଂ ଭଜତୋ ମମ ଦେହି ଦୟାଘନ ହେ ହନୁମନ୍ସ୍ଵପଦାମ୍ବୁଜଦାସ୍ୟମ୍ ॥ ୮ ॥
ବ୍ରହ୍ମମରୁଦ୍ଗଣରୁଦ୍ରମହେନ୍ଦ୍ରକିରୀଟସୁକୋଟିଲସତ୍ପଦପୀଠଂ
ଦାଶରଥିଂ ଜପତି କ୍ଷିତିମଣ୍ଡଲ ଏଷ ନିଧାୟ ସଦୈଵ ହୃଦବ୍ଜେ ।
ତସ୍ୟ ହନୂମତ ଏଵ ଶିଵଙ୍କରମଷ୍ଟକମେତଦନିଷ୍ଟହରଂ ଵୈ
ୟଃ ସତତଂ ହି ପଠେତ୍ସ ନରୋ ଲଭତେଽଚ୍ୟୁତରାମପଦାବ୍ଜନିଵାସମ୍ ॥ ୯ ॥
ଇତି ଅଚ୍ୟୁତୟତିକୃତଂ ହନୁମଦଷ୍ଟକଂ ସମ୍ପୂର୍ଣମ୍ ।
Also Read:
Sri Hanumad Ashtakam Lyrics Hindi | English | Telugu | Tamil | Kannada | Malayalam | Bengali | Oriya | Gujarati | Punjabi