Ashtaka

Shri Kalabhairavashtakam Lyrics in Oriya | ଶ୍ରୀକାଲଭୈରଵାଷ୍ଟକମ୍

ଶ୍ରୀକାଲଭୈରଵାଷ୍ଟକମ୍ Lyrics in Oriya:

ଅଙ୍ଗସୁନ୍ଦରତ୍ଵନିନ୍ଦିତାଙ୍ଗଜାତଵୈଭଵଂ
ଭୃଙ୍ଗସର୍ଵଗର୍ଵହାରିଦେହକାନ୍ତିଶୋଭିତମ୍ ।
ମଙ୍ଗଲୌଘଦାନଦକ୍ଷପାଦପଦ୍ମସଂସ୍ମୃତିଂ
ଶୃଙ୍ଗଶୈଲଵାସିନଂ ନମାମି କାଲଭୈରଵମ୍ ॥ ୧॥

ପାଦନମ୍ରମୂକଲୋକଵାକ୍ପ୍ରଦାନଦୀକ୍ଷିତଂ
ଵେଦଵେଦ୍ୟମୀଶମୋଦଵାର୍ଧିଶୁଭ୍ରଦୀଧିତିମ୍ ।
ଆଦରେଣ ଦେଵତାଭିରର୍ଚିତାଙ୍ଘ୍ରିପଙ୍କଜଂ
ଶୃଙ୍ଗଶୈଲଵାସିନଂ ନମାମି କାଲଭୈରଵମ୍ ॥ ୨॥

ଅମ୍ବୁଜାକ୍ଷମିନ୍ଦୁଵକ୍ତ୍ରମିନ୍ଦିରେଶନାୟକଂ
କମ୍ବୁକଣ୍ଠମିଷ୍ଟଦାନଧୂତକଲ୍ପପାଦପମ୍ ।
ଅମ୍ବରାଦିଭୂତରୂପମମ୍ବରାୟିତାମ୍ବରଂ
ଶୃଙ୍ଗଶୈଲଵାସିନଂ ନମାମି କାଲଭୈରଵମ୍ ॥ ୩॥

ମନ୍ଦଭାଗ୍ୟମପ୍ୟରଂ ସୁରେନ୍ଦ୍ରତୁଲ୍ୟଵୈଭଵଂ
ସୁନ୍ଦରଂ ଚ କାମତୋଽପି ସଂଵିଧାୟ ସନ୍ତତମ୍ ।
ପାଲୟନ୍ତମାତ୍ମଜାତମାଦରାତ୍ପିତା ୟଥା
ଶୃଙ୍ଗଶୈଲଵାସିନଂ ନମାମି କାଲଭୈରଵମ୍ ॥ ୪॥

ନମ୍ରକଷ୍ଟନାଶଦକ୍ଷମଷ୍ଟସିଦ୍ଧିଦାୟକଂ
କମ୍ରହାସଶୋଭିତୁଣ୍ଡମଚ୍ଛଗଣ୍ଡଦର୍ପଣମ୍ ।
କୁନ୍ଦପୁଷ୍ପମାନଚୋରଦନ୍ତକାନ୍ତିଭାସୁରଂ
ଶୃଙ୍ଗଶୈଲଵାସିନଂ ନମାମି କାଲଭୈରଵମ୍ ॥ ୫॥

କାଶିକାଦିଦିଵ୍ୟଦେଶଵାସଲୋଲମାନସଂ
ପାଶିଵାୟୁକିନ୍ନରେଶମୁଖ୍ୟଦିଗ୍ଧଵାର୍ଚିତମ୍ ।
ନାଶିତାଘଵୃନ୍ଦମଙ୍ଘ୍ରିନମ୍ରଲୋକୟୋଗଦଂ
ଶୃଙ୍ଗଶୈଲଵାସିନଂ ନମାମି କାଲଭୈରଵମ୍ ॥ ୬॥

ସାରମାଗମସ୍ୟ ତୁଙ୍ଗସାରମେୟଵାହନଂ
ଦାରିତାନ୍ତରାନ୍ଧ୍ୟମାଶୁ ନୈଜମନ୍ତ୍ରଜାପିନାମ୍ ।
ପୂରିତାଖିଲେଷ୍ଟମଷ୍ଟମୂର୍ତିଦେହସମ୍ଭଵଂ
ଶୃଙ୍ଗଶୈଲଵାସିନଂ ନମାମି କାଲଭୈରଵମ୍ ॥ ୭॥

କାଲଭୀତିଵାରଣଂ କପାଲପାଣିଶୋଭିତଂ
ଖଣ୍ଡିତାମରାରିମିନ୍ଦୁବାଲଶୋଭିମସ୍ତକମ୍ ।
ଚଣ୍ଡବୁଦ୍ଧିଦାନଦକ୍ଷମକ୍ଷତାତ୍ମଶାସନଂ
ଶୃଙ୍ଗଶୈଲଵାସିନଂ ନମାମି କାଲଭୈରଵମ୍ ॥ ୮॥

ଇତି ଶୃଙ୍ଗେରି ଶ୍ରୀଜଗଦ୍ଗୁରୁ ଶ୍ରୀସଚ୍ଚିଦାନନ୍ଦଶିଵାଭିନଵନୃସିଂହ-
ଭାରତୀସ୍ଵାମିଭିଃ ଵିରଚିତଂ ଶ୍ରୀକାଲଭୈରଵାଷ୍ଟକଂ ସମ୍ପୂର୍ଣମ୍ ।

Add Comment

Click here to post a comment