শ্রীকমলজদয়িতাষ্টকম্ Lyrics in Bengali:
শৃঙ্গক্ষ্মাভৃন্নিবাসে শুকমুখমুনিভিঃ সেব্যমানাঙ্ঘ্রিপদ্মে
স্বাঙ্গচ্ছায়াবিধূতামৃতকরসুররাড্বাহনে বাক্সবিত্রি ।
শম্ভুশ্রীনাথমুখ্যামরবরনিকরৈর্মোদতঃ পূজ্যমানে
বিদ্যাং শুদ্ধাং চ বুদ্ধিং কমলজদয়িতে সত্বরং দেহি মহ্যম্ ॥ ১॥
কল্পাদৌ পার্বতীশঃ প্রবরসুরগণপ্রার্থিতঃ শ্রৌতবর্ত্ম
প্রাবল্যং নেতুকামো য়তিবরবপুষাগত্য য়াং শৃঙগশৈলে ।
সংস্থাপ্যার্চাং প্রচক্রে বহুবিধনতিভিঃ সা ত্বমিন্দ্বর্ধচূডা
বিদ্যাং শুদ্ধাং চ বুদ্ধিং কমলজদয়িতে সত্বরং দেহি মহ্যম্ ॥ ২॥
পাপৌঘং ধ্বংসয়িত্বা বহুজনিরচিতং কিং চ পুণ্যালিমারা-
ত্সম্পাদ্যাস্তিক্যবুদ্ধিং শ্রুতিগুরুবচনেষ্বাদরং ভক্তিদার্ঢ্যম্ ।
দেবাচার্যদ্বিজাদিষ্বপি মনুনিবহে তাবকীনে নিতান্তং
বিদ্যাং শুদ্ধাং চ বুদ্ধিং কমলজদয়িতে সত্বরং দেহি মহ্যম্ ॥ ৩॥
বিদ্যামুদ্রাক্ষমালামৃতঘটবিলসত্পাণিপাথোজজালে
বিদ্যাদানপ্রবীণে জডবধিরমুখেভ্যোঽপি শীঘ্রং নতেভ্যঃ ।
কামাদীনান্তরান্মত্সহজরিপুবরান্দেবি নির্মূল্য বেগাত্
বিদ্যাং শুদ্ধাং চ বুদ্ধিং কমলজদয়িতে সত্বরং দেহি মহ্যম্ ॥ ৪॥
কর্মস্বাত্মোচিতেষু স্থিরতরধিষণাং দেহদার্ঢ্যং তদর্থং
দীর্ঘং চায়ুর্যশশ্চ ত্রিভুবনবিদিতং পাপমার্গাদ্বিরক্তিম্ ।
সত্সঙ্গং সত্কথায়াঃ শ্রবণমপি সদা দেবি দত্বা কৃপাব্ধে
বিদ্যাং শুদ্ধাং চ বুদ্ধিং কমলজদয়িতে সত্বরং দেহি মহ্যম্ ॥ ৫॥
মাতস্ত্বত্পাদপদ্মং ন বিবিধকুসুমৈঃ পূজিতং জাতু ভক্ত্যা
গাতুং নৈবাহমীশে জডমতিরলসস্ত্বদ্গুণান্দিব্যপদ্যৈঃ ।
মূকে সেবাবিহীনেঽপ্যনুপমকরুণামর্ভকেঽম্বেব কৃত্বা
বিদ্যাং শুদ্ধাং চ বুদ্ধিং কমলজদয়িতে সত্বরং দেহি মহ্যম্ ॥ ৬॥
শান্ত্যাদ্যাঃ সম্পদো বিতর শুভকরীর্নিত্যতদ্ভিন্নবোধং
বৈরাগ্যং মোক্ষবাঞ্ছামপি লঘু কলয় শ্রীশিবাসেব্যমানে ।
বিদ্যাতীর্থাদিয়োগিপ্রবরকরসরোজাতসম্পূজিতাঙ্ঘ্রে
বিদ্যাং শুদ্ধাং চ বুদ্ধিং কমলজদয়িতে সত্বরং দেহি মহ্যম্ ॥ ৭॥
সচ্চিদ্রূপাত্মনো মে শ্রুতিমনননিদিধ্যাসনান্যাশু মাতঃ
সম্পাদ্য স্বান্তমেতদ্রুচিয়ুতমনিশং নির্বিকল্পে সমাধৌ ।
তুঙ্গাতীরাঙ্করাজদ্বরগৃহবিলসচ্চক্ররাজাসনস্থে
বিদ্যাং শুদ্ধাং চ বুদ্ধিং কমলজদয়িতে সত্বরং দেহি মহ্যম্ ॥ ৮॥
ইতি শৃঙ্গেরি শ্রীজগদ্গুরু শ্রীসচ্চিদানন্দশিবাভিনবনৃসিংহ-
ভারতীস্বামিভিঃ বিরচিতং শ্রীকমলজদয়িতাষ্টকং সম্পূর্ণম্ ।
