ശ്രീകാര്‍തികേയാഷ്ടകം Lyrics in Malayalam:
ഓം ശ്രീഗണേശായ നമഃ ।
അഗസ്ത്യ ഉവാച-
നമോഽസ്തു വൃന്ദാരകവൃന്ദവന്ദ്യപാദാരവിന്ദായ സുധാകരായ ।
ഷഡാനനായാമിതവിക്രമായ ഗൌരീഹൃദാനന്ദസമുദ്ഭവായ ॥ 1॥
നമോഽസ്തു തുഭ്യം പ്രണതാര്‍തിഹന്ത്രേ കര്‍ത്രേ സമസ്തസ്യ മനോരഥാനാം ।
ദാത്രേ രഥാനാം പരതാരകസ്യ ഹന്ത്രേ പ്രചണ്ഡാസുരതാരകസ്യ ॥ 2॥
അമൂര്‍തമൂര്‍തായ സഹസ്രമൂര്‍തയേ ഗുണായ ഗണ്യായ പരാത്പരായ ।
അപാരപാരായ പരാപരായ നമോഽസ്തു തുഭ്യം ശിഖിവാഹനായ ॥ 3॥
നമോഽസ്തു തേ ബ്രഹ്മവിദാം വരായ ദിഗംബരായാംബരസംസ്ഥിതായ ।
ഹിരണ്യവര്‍ണായ ഹിരണ്യബാഹവേ നമോ ഹിരണ്യായ ഹിരണ്യരേതസേ ॥ 4॥
തപഃ സ്വരൂപായ തപോധനായ തപഃ ഫലാനാം പ്രതിപാദകായ ।
സദാ കുമാരായ ഹി മാരമാരിണേ തൃണീകൃതൈശ്വര്യവിരാഗിണേ നമഃ ॥ 5॥
നമോഽസ്തു തുഭ്യം ശരജന്‍മനേ വിഭോ പ്രഭാതസൂര്യാരുണദന്തപങ്ക്തയേ ।
ബാലായ ചാബാലപരാക്രമായ ഷാണ്‍മാതുരായാലമനാതുരായ ॥ 6॥
മീഢുഷ്ടമായോത്തരമീഢുഷേ നമോ നമോ ഗണാനാം പതയേ ഗണായ ।
നമോഽസ്തു തേ ജന്‍മജരാതിഗായ നമോ വിശാഖായ സുശക്തിപാണയേ ॥ 7॥
സര്‍വസ്യ നാഥസ്യ കുമാരകായ ക്രൌഞ്ചാരയേ താരകമാരകായ ।
സ്വാഹേയ ഗാങ്ഗേയ ച കാര്‍തികേയ ശൈവേയ തുഭ്യം സതതം നമോഽസ്തു ॥ 8॥
ഇതി സ്കാന്ദേ കാശീഖണ്ഡതഃ ശ്രീകാര്‍തികേയാഷ്ടകം സമ്പൂര്‍ണം ॥
