শ্রীকৃষ্ণচন্দ্রাষ্টকম্ Lyrics in Bengali:
মহানীলমেঘাতিভব্যং সুহাসং শিবব্রহ্মদেবাদিভিঃ সংস্তুতশ্চ ।
রমামন্দিরং দেবনন্দাপদাহং ভজে রাধিকাবল্লভং কৃষ্ণচন্দ্রম্ ॥ ১॥
রসং বেদবেদান্তবেদ্যং দুরাপং সুগম্যং তদীয়াদিভির্দানবঘ্নম্ ।
লসত্কুণ্ডলং সোমবংশপ্রদীপং ভজে রাধিকাবল্লভং কৃষ্ণচন্দ্রম্ ॥ ২॥
য়শোদাদিসংলালিতং পূর্ণকামং দৃশোরঞ্জনং প্রাকৃতস্থস্বরূপম্ ।
দিনান্তে সমায়ান্তমেকান্তভক্তৈর্ভজে রাধিকাবল্লভং কৃষ্ণচন্দ্রম্ ॥ ৩॥
কৃপাদৃষ্টিসম্পাতসিক্তস্বকুঞ্জং তদন্তঃস্থিতস্বীয়সম্যগ্দশাদম্ ।
পুনস্তত্র তৈঃ সত্কৃতৈকান্তলীলং ভজে রাধিকাবল্লভং কৃষ্ণচন্দম্ ॥ ৪॥
গৃহে গোপিকাভির্ধৃতে চৌর্যকালে তদক্ষ্ণোশ্চ নিক্ষিপ্য দুগ্ধং চলন্তম্ ।
তদা তদ্বিয়োগাদিসম্পত্তিকারং ভজে রাধিকাবল্লভং কৃষ্ণচন্দ্রম্ ॥ ৫॥
চলত্কৌস্তুভব্যাপ্তবক্ষঃপ্রদেশং মহাবৈজয়ন্তীলসত্পাদয়ুগ্মম্ ।
সুকস্তূরিকাদীপ্তভালপ্রদেশং ভজে রাধিকাবল্লভং কৃষ্ণচন্দ্রম্ ॥ ৬॥
গবা দোহনে দৃষ্টরাধামুখাব্জং তদানীং চ তন্মেলনব্যগ্রচিত্তম্ ।
সমুত্পন্নতন্মানসৈকান্তভাবং ভজে রাধিকাবল্লভং কৃষ্ণচন্দ্রম্ ॥ ৭॥
অদঃ কৃষ্ণচন্দ্রাষ্টকং প্রেময়ুক্তঃ পঠেত্কৃষ্ণসান্নিধ্যমাপ্নোতি নিত্যম্ ।
কলৌ য়ঃ স সংসারদুঃখাতিরিক্তং প্রয়াত্যেব বিষ্ণোঃ পদং নির্ভয়ং তত্ ॥ ৮॥
॥ ইতি শ্রীরঘুনাথপ্রভুবিরচিতং শ্রীকৃপ্ণচন্দ্রাষ্টকং সম্পূর্ণম্ ॥
