ಶ್ರೀಕೃಷ್ಣಚನ್ದ್ರಾಷ್ಟಕಮ್ 2 Lyrics in Kannada:
ಶ್ರೀಕೇವಲರಾಮಪ್ರಣೀತಮ್
ವನಭುವಿ ವಿಹರನ್ತೌ ತಚ್ಛವಿಂ ವರ್ಣಯನ್ತೌ
ಸುಹೃದಮನುಸರನ್ತೌ ದುರ್ಹೃದಂ ಸೂದಯನ್ತೌ ।
ಉಪಯಮುನಮಟನ್ತೌ ವೇಣುನಾದಂ ಸೃಜನ್ತೌ
ಭಜ ಹೃದಯ ಹಸನ್ತೌ ರಾಮಕೃಷ್ಣೌ ಲಸನ್ತೌ ॥ 1॥
ಕಲಯಸಿ ಭವರೀತಿಂ ನೈವ ಚೇದ್ಭೂರಿಭೂತಿಂ
ಯಮಕೃತನಿಗೃಹೀತಿಂ ತರ್ಹಿ ಕೃತ್ವಾ ವಿನೀತಿಮ್ ।
ಜಹಿಹಿ ಮುಹುರನೀತಿಂ ಜಾಯಮಾನಪ್ರತೀತಿಂ
ಕುರು ಮಧುರಿಪುಗೀತಿಂ ರೇ ಮನೋ ಮಾನ್ಯಗೀತಿಮ್ ॥ 2॥
ದ್ವಿಪಪರಿವೃಢದನ್ತಂ ಯಃ ಸಮುತ್ಪಾಟ್ಯ ಸಾನ್ತಂ
ಸದಸಿ ಪರಿಭವನ್ತಂ ಲೀಲಯಾ ಹನ್ತ ಸಾನ್ತಮ್ ।
ಸ್ವಜನಮಸುಖಯನ್ತಂ ಕಂಸಮಾರಾದ್ಭ್ರಮನ್ತಂ
ಸಕಲಹೃದಿ ವಸನ್ತಂ ಚಿನ್ತಯಾಮಿ ಪ್ರಭುಂ ತಮ್ ॥ 3॥
ಕರಧೃತನವನೀತಃ ಸ್ತೇಯತಸ್ತಸ್ಯ ಭೀತಃ
ಪಶುಪಗಣಪರೀತಃ ಶ್ರೀಯಶೋದಾಗೃಹೀತಃ ।
ನಿಖಿಲನಿಗಮಗೀತಃ ಕಾಲಮಾಯಾದ್ಯಭೀತಃ
ಕನಕಸದುಪವೀತಃ ಶ್ರೀಶುಕಾದಿಪ್ರತೀತಃ ॥ 4॥
ಸಕಲಜನನಿಯನ್ತಾ ಗೋಸಮೂಹಾನುಗನ್ತಾ
ವ್ರಜವಿಲಸದನನ್ತಾಭೀರುಗೇಹೇಷು ರನ್ತಾ ।
ಅಸುರನಿಕರಹನ್ತಾ ಶಕ್ರಯಾಗಾವಮನ್ತಾ
ಜಯತಿ ವಿಜಯಿಯನ್ತಾ ವೇದಮಾರ್ಗಾಭಿಮನ್ತಾ ॥ 5॥
ಸುಕೃತಿವಿಹಿತಸೇವೋ ನಿರ್ಜಿತಾನೇಕದೇವೋ
ಭವವಿಧಿಕೃತಸೇವಃ ಪ್ರೀಣಿತಾಶೇಷದೇವಃ ।
ಸ್ಮ ನಯತಿ ವಸುದೇವೋ ಗೋಕುಲಂ ಯಂ ಮುದೇ ವೋ
ಭವತು ಸ ಯದುದೇವಃ ಸರ್ವದಾ ವಾಸುದೇವಃ ॥ 6॥
ಕರಕಜಧೃತಶೈಲೇ ಪ್ರೋಲ್ಲಸತ್ಪೀತಚೈಲೇ ?? ಮಯ್ ಬೇ ಚೋರ್ರೇಚ್ತ್
ರುಚಿರನವಘನಾಭೇ ಶೋಭನೇ ಪದ್ಮನಾಭೇ ।
ವಿಕಚಕುಸುಮಪುಂಜೇ ಶೋಭಮಾನೇ ನಿಕುಂಜೇ
ಸ್ಥಿತವತಿ ಕುರು ಚೇತಃ ಪ್ರೀತಿಮನ್ಯತ್ರ ನೇತಃ ॥ 7॥
ವಿಷಯವಿರಚಿತಾಶೇ ಪ್ರಾಪ್ತಸಂಸಾರಪಾಶೇ-
ಽನವಗತನಿಜರೂಪೇ ಸೃಷ್ಟಕರ್ಮಣ್ಯಪೂಪೇ ।
ಸುಕೃತಕೃತಿವಿಹೀನೇ ಶ್ರೀಹರೇ ಭಕ್ತಿಹೀನೇ
ಮಯಿ ಕೃತಯ ಸಮನ್ತೌ ಕೇವಲೇ ದೀನಜನ್ತೌ ॥ 8॥
ಇತಿ ಶ್ರೀಕೇವಲರಾಮಪ್ರಣೀತಂ ಶ್ರೀಕೃಷ್ಣಚನ್ದ್ರಾಷ್ಟಕಂ ಸಮ್ಪೂರ್ಣಮ್ ।
