ശ്രീകൃഷ്ണചന്ദ്രാഷ്ടകം 2 Lyrics in Malayalam:
ശ്രീകേവലരാമപ്രണീതം
വനഭുവി വിഹരന്തൌ തച്ഛവിം വര്‍ണയന്തൌ
സുഹൃദമനുസരന്തൌ ദുര്‍ഹൃദം സൂദയന്തൌ ।
ഉപയമുനമടന്തൌ വേണുനാദം സൃജന്തൌ
ഭജ ഹൃദയ ഹസന്തൌ രാമകൃഷ്ണൌ ലസന്തൌ ॥ 1॥
കലയസി ഭവരീതിം നൈവ ചേദ്ഭൂരിഭൂതിം
യമകൃതനിഗൃഹീതിം തര്‍ഹി കൃത്വാ വിനീതിം ।
ജഹിഹി മുഹുരനീതിം ജായമാനപ്രതീതിം
കുരു മധുരിപുഗീതിം രേ മനോ മാന്യഗീതിം ॥ 2॥
ദ്വിപപരിവൃഢദന്തം യഃ സമുത്പാട്യ സാന്തം
സദസി പരിഭവന്തം ലീലയാ ഹന്ത സാന്തം ।
സ്വജനമസുഖയന്തം കംസമാരാദ്ഭ്രമന്തം
സകലഹൃദി വസന്തം ചിന്തയാമി പ്രഭും തം ॥ 3॥
കരധൃതനവനീതഃ സ്തേയതസ്തസ്യ ഭീതഃ
പശുപഗണപരീതഃ ശ്രീയശോദാഗൃഹീതഃ ।
നിഖിലനിഗമഗീതഃ കാലമായാദ്യഭീതഃ
കനകസദുപവീതഃ ശ്രീശുകാദിപ്രതീതഃ ॥ 4॥
സകലജനനിയന്താ ഗോസമൂഹാനുഗന്താ
വ്രജവിലസദനന്താഭീരുഗേഹേഷു രന്താ ।
അസുരനികരഹന്താ ശക്രയാഗാവമന്താ
ജയതി വിജയിയന്താ വേദമാര്‍ഗാഭിമന്താ ॥ 5॥
സുകൃതിവിഹിതസേവോ നിര്‍ജിതാനേകദേവോ
ഭവവിധികൃതസേവഃ പ്രീണിതാശേഷദേവഃ ।
സ്മ നയതി വസുദേവോ ഗോകുലം യം മുദേ വോ
ഭവതു സ യദുദേവഃ സര്‍വദാ വാസുദേവഃ ॥ 6॥
കരകജധൃതശൈലേ പ്രോല്ലസത്പീതചൈലേ ?? മയ് ബേ ചോര്‍രേച്ത്
രുചിരനവഘനാഭേ ശോഭനേ പദ്മനാഭേ ।
വികചകുസുമപുഞ്ജേ ശോഭമാനേ നികുഞ്ജേ
സ്ഥിതവതി കുരു ചേതഃ പ്രീതിമന്യത്ര നേതഃ ॥ 7॥
വിഷയവിരചിതാശേ പ്രാപ്തസംസാരപാശേ-
ഽനവഗതനിജരൂപേ സൃഷ്ടകര്‍മണ്യപൂപേ ।
സുകൃതകൃതിവിഹീനേ ശ്രീഹരേ ഭക്തിഹീനേ
മയി കൃതയ സമന്തൌ കേവലേ ദീനജന്തൌ ॥ 8॥
ഇതി ശ്രീകേവലരാമപ്രണീതം ശ്രീകൃഷ്ണചന്ദ്രാഷ്ടകം സമ്പൂര്‍ണം ।
