ଶ୍ରୀକୃଷ୍ଣଶରଣାଷ୍ଟକମ୍ Lyrics in Oriya:
ସର୍ଵସାଧନହୀନସ୍ୟ ପରାଧୀନସ୍ୟ ସର୍ଵତଃ ।
ପାପପୀନସ୍ୟ ଦୀନସ୍ୟ ଶ୍ରୀକୃଷ୍ଣଃ ଶରଣଂ ମମ ॥ ୧॥
ସଂସାରସୁଖସମ୍ପ୍ରାପ୍ତିସନ୍ମୁଖସ୍ୟ ଵିଶେଷତଃ ।
ଵହିର୍ମୁଖସ୍ୟ ସତତଂ ଶ୍ରୀକୃଷ୍ଣଃ ଶରଣଂ ମମ ॥ ୨॥
ସଦା ଵିଷୟକାମସ୍ୟ ଦେହାରାମସ୍ୟ ସର୍ଵଥା ।
ଦୁଷ୍ଟସ୍ଵଭାଵଵାମସ୍ୟ ଶ୍ରୀକୃଷ୍ଣଃ ଶରଣଂ ମମ ॥ ୩॥
ସଂସାରସର୍ଵଦୁଷ୍ଟସ୍ୟ ଧର୍ମଭ୍ରଷ୍ଟସ୍ୟ ଦୁର୍ମତେଃ ।
ଲୌକିକପ୍ରାପ୍ତିକାମସ୍ୟ ଶ୍ରୀକୃଷ୍ଣଃ ଶରଣଂ ମମ ॥ ୪॥
ଵିସ୍ମୃତସ୍ଵୀୟଧର୍ମସ୍ୟ କର୍ମମୋହିତଚେତସଃ ।
ସ୍ଵରୂପଜ୍ଞାନଶୂନ୍ୟସ୍ୟ ଶ୍ରୀକୃଷ୍ଣଃ ଶରଣଂ ମମ ॥ ୫॥
ସଂସାରସିନ୍ଧୁମଗ୍ନସ୍ୟ ଭଗ୍ନଭାଵସ୍ୟ ଦୁଷ୍କୃତେଃ ।
ଦୁର୍ଭାଵଲଗ୍ନମନସଃ ଶ୍ରୀକୃଷ୍ଣଃ ଶରଣଂ ମମ ॥ ୬॥
ଵିଵେକଧୈର୍ୟଭକ୍ତ୍ୟାଦିରହିତସ୍ୟ ନିରନ୍ତରମ୍ ।
ଵିରୁଦ୍ଧକରଣାସକ୍ତେଃ ଶ୍ରୀକୃଷ୍ଣଃ ଶରଣଂ ମମ ॥ ୭॥
ଵିଷୟାକ୍ରାନ୍ତଦେହସ୍ୟ ଵୈମୁଖ୍ୟହୃତସନ୍ମତେଃ ।
ଇନ୍ଦ୍ରିୟାଶ୍ଵଗୃହିତସ୍ୟ ଶ୍ରୀକୃଷ୍ଣଃ ଶରଣଂ ମମ ॥ ୮॥
ଏତଦଷ୍ଟକପାଠେନ ହ୍ୟେତଦୁକ୍ତାର୍ଥଭାଵନାତ୍ ।
ନିଜାଚାର୍ୟପଦାମ୍ଭୋଜସେଵକୋ ଦୈନ୍ୟମାପ୍ନୁୟାତ୍ ॥ ୯॥
॥ ଇତି ହରିଦାସଵର୍ୟଵିରଚିତଂ ଶ୍ରୀକୃଷ୍ଣଶରଣାଷ୍ଟକଂ ସମ୍ପୂର୍ଣମ୍ ॥
