శ్రీకృష్ణశరణాష్టకమ్ Lyrics in Telugu:
సర్వసాధనహీనస్య పరాధీనస్య సర్వతః ।
పాపపీనస్య దీనస్య శ్రీకృష్ణః శరణం మమ ॥ ౧॥
సంసారసుఖసమ్ప్రాప్తిసన్ముఖస్య విశేషతః ।
వహిర్ముఖస్య సతతం శ్రీకృష్ణః శరణం మమ ॥ ౨॥
సదా విషయకామస్య దేహారామస్య సర్వథా ।
దుష్టస్వభావవామస్య శ్రీకృష్ణః శరణం మమ ॥ ౩॥
సంసారసర్వదుష్టస్య ధర్మభ్రష్టస్య దుర్మతేః ।
లౌకికప్రాప్తికామస్య శ్రీకృష్ణః శరణం మమ ॥ ౪॥
విస్మృతస్వీయధర్మస్య కర్మమోహితచేతసః ।
స్వరూపజ్ఞానశూన్యస్య శ్రీకృష్ణః శరణం మమ ॥ ౫॥
సంసారసిన్ధుమగ్నస్య భగ్నభావస్య దుష్కృతేః ।
దుర్భావలగ్నమనసః శ్రీకృష్ణః శరణం మమ ॥ ౬॥
వివేకధైర్యభక్త్యాదిరహితస్య నిరన్తరమ్ ।
విరుద్ధకరణాసక్తేః శ్రీకృష్ణః శరణం మమ ॥ ౭॥
విషయాక్రాన్తదేహస్య వైముఖ్యహృతసన్మతేః ।
ఇన్ద్రియాశ్వగృహితస్య శ్రీకృష్ణః శరణం మమ ॥ ౮॥
ఏతదష్టకపాఠేన హ్యేతదుక్తార్థభావనాత్ ।
నిజాచార్యపదామ్భోజసేవకో దైన్యమాప్నుయాత్ ॥ ౯॥
॥ ఇతి హరిదాసవర్యవిరచితం శ్రీకృష్ణశరణాష్టకం సమ్పూర్ణమ్ ॥
