ಶ್ರೀಕೃಷ್ಣಾಷ್ಟಕ ಬ್ರಹ್ಮಾನನ್ದವಿರಚಿತಂ Lyrics in Kannada:
ಗಣೇಶಾಯ ನಮಃ ।
ಚತುರ್ಮುಖಾದಿಸಂಸ್ತುತಂ ಸಮಸ್ತಸಾತ್ವತಾನುತಮ್ ।
ಹಲಾಯುಧಾದಿಸಂಯುತಂ ನಮಾಮಿ ರಾಧಿಕಾಧಿಪಮ್ ॥ 1॥
ಬಕಾದಿದೈತ್ಯಕಾಲಕಂ ಸಗೋಪಗೋಪಿಪಾಲಕಮ್ ।
ಮನೋಹರಾಸಿತಾಲಕಂ ನಮಾಮಿ ರಾಧಿಕಾಧಿಪಮ್ ॥ 2॥
ಸುರೇನ್ದ್ರಗರ್ವಗಂಜನಂ ವಿರಂಚಿಮೋಹಭಂಜನಮ್ ।
ವ್ರಜಾಂಗನಾನುರಂಜನಂ ನಮಾಮಿ ರಾಧಿಕಾಧಿಪಮ್ ॥ 3॥
ಮಯೂರಪಿಚ್ಛಮಂಡನಂ ಗಜೇನ್ದ್ರದನ್ತಖಂಡನಮ್ ।
ನೃಶಂಸಕಂಸದಂಡನಂ ನಮಾಮಿ ರಾಧಿಕಾಧಿಪಮ್ ॥ 4॥
ಪ್ರದತ್ತವಿಪ್ರದಾರಕಂ ಸುದಾಮಧಾಮಕಾರಕಮ್ ।
ಸುರದ್ರುಮಾಪಹಾರಕಂ ನಮಾಮಿ ರಾಧಿಕಾಧಿಪಮ್ ॥ 5॥
ಧನಂಜಯಾಜಯಾವಹಂ ಮಹಾಚಮೂಕ್ಷಯಾವಹಮ್ ।
ಪಿತಾಮಹವ್ಯಥಾಪಹಂ ನಮಾಮಿ ರಾಧಿಕಾಧಿಪಮ್ ॥ 6॥
ಮುನೀನ್ದ್ರಶಾಪಕಾರಣಂ ಯದುಪ್ರಜಾಪಹಾರಣಮ್ ।
ಧರಾಭರಾವತಾರಣಂ ನಮಾಮಿ ರಾಧಿಕಾಧಿಪಮ್ ॥ 7॥
ಸುವೃಕ್ಷಮೂಲಶಾಯಿನಂ ಮೃಗಾರಿಮೋಕ್ಷದಾಯಿನಮ್ ।
ಸ್ವಕೀಯಧಾಮಮಾಯಿನಂ ನಮಾಮಿ ರಾಧಿಕಾಧಿಪಮ್ ॥ 8॥
ಇದಂ ಸಮಾಹಿತೋ ಹಿತಂ ವರಾಷ್ಟಕಂ ಸದಾ ಮುದಾ ।
ಜಪಂಜನೋ ಜನುರ್ಜರಾದಿತೋ ದ್ರುತಂ ಪ್ರಮುಚ್ಯತೇ ॥ 9॥
॥ ಇತಿ ಶ್ರೀಪರಮಹಂಸಬ್ರಹ್ಮಾನನ್ದವಿರಚಿತಂ ಶ್ರೀಕೃಷ್ಣಾಷ್ಟಕಂ ಸಮ್ಪೂರ್ಣಮ್ ॥
Shri Krishnashtakam 7 Lyrics in Kannada | ಶ್ರೀಕೃಷ್ಣಾಷ್ಟಕ ಬ್ರಹ್ಮಾನನ್ದವಿರಚಿತಂ
