ശ്രീകൃഷ്ണാഷ്ടക ബ്രഹ്മാനന്ദവിരചിതം Lyrics in Malayalam:
ശ്രീ ഗണേശായ നമഃ ।
ചതുര്‍മുഖാദിസംസ്തുതം സമസ്തസാത്വതാനുതം ।
ഹലായുധാദിസംയുതം നമാമി രാധികാധിപം ॥ 1॥
ബകാദിദൈത്യകാലകം സഗോപഗോപിപാലകം ।
മനോഹരാസിതാലകം നമാമി രാധികാധിപം ॥ 2॥
സുരേന്ദ്രഗര്‍വഗഞ്ജനം വിരഞ്ചിമോഹഭഞ്ജനം ।
വ്രജാങ്ഗനാനുരഞ്ജനം നമാമി രാധികാധിപം ॥ 3॥
മയൂരപിച്ഛമണ്ഡനം ഗജേന്ദ്രദന്തഖണ്ഡനം ।
നൃശംസകംസദണ്ഡനം നമാമി രാധികാധിപം ॥ 4॥
പ്രദത്തവിപ്രദാരകം സുദാമധാമകാരകം ।
സുരദ്രുമാപഹാരകം നമാമി രാധികാധിപം ॥ 5॥
ധനഞ്ജയാജയാവഹം മഹാചമൂക്ഷയാവഹം ।
പിതാമഹവ്യഥാപഹം നമാമി രാധികാധിപം ॥ 6॥
മുനീന്ദ്രശാപകാരണം യദുപ്രജാപഹാരണം ।
ധരാഭരാവതാരണം നമാമി രാധികാധിപം ॥ 7॥
സുവൃക്ഷമൂലശായിനം മൃഗാരിമോക്ഷദായിനം ।
സ്വകീയധാമമായിനം നമാമി രാധികാധിപം ॥ 8॥
ഇദം സമാഹിതോ ഹിതം വരാഷ്ടകം സദാ മുദാ ।
ജപഞ്ജനോ ജനുര്‍ജരാദിതോ ദ്രുതം പ്രമുച്യതേ ॥ 9॥
॥ ഇതി ശ്രീപരമഹംസബ്രഹ്മാനന്ദവിരചിതം ശ്രീകൃഷ്ണാഷ്ടകം സമ്പൂര്‍ണം ॥
Shri Krishnashtakam 7 Lyrics in Malayalam | ശ്രീകൃഷ്ണാഷ്ടക ബ്രഹ്മാനന്ദവിരചിതം
