શ્રીનૃસિંહાષ્ટકમ્ ૩ Lyrics in Gujarati:
ધ્યાયામિ નારસિંહાખ્યં બ્રહ્મવેદાન્તગોચરમ્ ।
ભવાબ્ધિતરણોપાયં શઙ્ખચક્રધરં પદમ્ ॥
નીલાં રમાં ચ પરિભૂય કૃપારસેન
સ્તમ્ભં સ્વશક્તિમનઘાં વિનિધાય દેવીમ્ ।
પ્રહ્લાદરક્ષણવિધાયવતી કૃપા તે
શ્રીનારસિંહ પરિપાલય માં ચ ભક્તમ્ ॥ ૧॥
ઇન્દ્રાદિદેવનિકરસ્ય કિરીટકોટિ
પ્રત્યુપ્તરત્નપ્રતિબિમ્બિતપાદપદ્મ ।
કલ્પાન્તકાલઘનગર્જનતુલ્યનાદ
શ્રીનારસિંહ પરિપાલય માં ચ ભક્તમ્ ॥ ૨॥
પ્રહ્લાદ ઈડ્ય પ્રલયાર્કસમાનવક્ત્ર
હુઙ્કારનિર્જિતનિશાચરવૃન્દનાથ ।
શ્રીનારદાદિમુનિસઙ્ઘસુગીયમાન
શ્રીનારસિંહ પરિપાલય માં ચ ભક્તમ્ ॥ ૩॥
રાત્રિઞ્ચરાદ્રિજઠરાત્પરિસ્રંસ્યમાનં
રક્તં નિપીય પરિકલ્પિતસાન્ત્રમાલ ।
વિદ્રાવિતાખિલાસુરોગ્રનૃસિંહરૂપ
શ્રીનારસિંહ પરિપાલય માં ચ ભક્તમ્ ॥ ૪॥
યોગીન્દ્ર યોગપરીરક્ષક દેવદેવ
દીનાર્તિહરિ વિભવાગમગીયમાન ।
માં વીક્ષ્ય દીનમશરણ્યમગણ્યશીલ
શ્રીનારસિંહ પરિપાલય માં ચ ભક્તમ્ ॥ ૫॥
પ્રહ્લાદશોકવિનિવારણ ભદ્રસિંહ
નક્તઞ્ચરેન્દ્ર મદખણ્ડન વીરસિંહ ।
ઇન્દ્રાદિદેવજનસન્નુતપાદપદ્મ
શ્રીનારસિંહ પરિપાલય માં ચ ભક્તમ્ ॥ ૬॥
તાપત્રયાબ્ધિપરિશોષણબાડવાગ્ને
તારાધિપપ્રતિનિભાનન દાનવારે ।
શ્રીરાજરાજવરદાખિલલોકનાથ
શ્રીનારસિંહ પરિપાલય માં ચ ભક્તમ્ ॥ ૭॥
જ્ઞાનેન કેચિદવલમ્બ્ય પદાંબુજં તે
કેચિત્સુકર્મનિકરેણ પરે ચ ભક્ત્યા ।
મુક્તિં ગતાઃ ખલુ જના કૃપયા મુરારે
શ્રીનારસિંહ પરિપાલય માં ચ ભક્તમ્ ॥ ૮॥
નમસ્તે નારસિંહાય નમસ્તે મધુવૈરિણે ।
નમસ્તે પદ્મનેત્રાય નમસ્તે દુઃખહારિણે ॥
ઇતિ શ્રીનૃસિંહાષ્ટકં સમ્પૂર્ણમ્ ।
