শ্রীনৃসিংহাষ্টকম্ ৩ Lyrics in Bengali:
ধ্যায়ামি নারসিংহাখ্যং ব্রহ্মবেদান্তগোচরম্ ।
ভবাব্ধিতরণোপায়ং শঙ্খচক্রধরং পদম্ ॥
নীলাং রমাং চ পরিভূয় কৃপারসেন
স্তম্ভং স্বশক্তিমনঘাং বিনিধায় দেবীম্ ।
প্রহ্লাদরক্ষণবিধায়বতী কৃপা তে
শ্রীনারসিংহ পরিপালয় মাং চ ভক্তম্ ॥ ১॥
ইন্দ্রাদিদেবনিকরস্য কিরীটকোটি
প্রত্যুপ্তরত্নপ্রতিবিম্বিতপাদপদ্ম ।
কল্পান্তকালঘনগর্জনতুল্যনাদ
শ্রীনারসিংহ পরিপালয় মাং চ ভক্তম্ ॥ ২॥
প্রহ্লাদ ঈড্য প্রলয়ার্কসমানবক্ত্র
হুঙ্কারনির্জিতনিশাচরবৃন্দনাথ ।
শ্রীনারদাদিমুনিসঙ্ঘসুগীয়মান
শ্রীনারসিংহ পরিপালয় মাং চ ভক্তম্ ॥ ৩॥
রাত্রিঞ্চরাদ্রিজঠরাত্পরিস্রংস্যমানং
রক্তং নিপীয় পরিকল্পিতসান্ত্রমাল ।
বিদ্রাবিতাখিলাসুরোগ্রনৃসিংহরূপ
শ্রীনারসিংহ পরিপালয় মাং চ ভক্তম্ ॥ ৪॥
য়োগীন্দ্র য়োগপরীরক্ষক দেবদেব
দীনার্তিহরি বিভবাগমগীয়মান ।
মাং বীক্ষ্য দীনমশরণ্যমগণ্যশীল
শ্রীনারসিংহ পরিপালয় মাং চ ভক্তম্ ॥ ৫॥
প্রহ্লাদশোকবিনিবারণ ভদ্রসিংহ
নক্তঞ্চরেন্দ্র মদখণ্ডন বীরসিংহ ।
ইন্দ্রাদিদেবজনসন্নুতপাদপদ্ম
শ্রীনারসিংহ পরিপালয় মাং চ ভক্তম্ ॥ ৬॥
তাপত্রয়াব্ধিপরিশোষণবাডবাগ্নে
তারাধিপপ্রতিনিভানন দানবারে ।
শ্রীরাজরাজবরদাখিললোকনাথ
শ্রীনারসিংহ পরিপালয় মাং চ ভক্তম্ ॥ ৭॥
জ্ঞানেন কেচিদবলম্ব্য পদাংবুজং তে
কেচিত্সুকর্মনিকরেণ পরে চ ভক্ত্যা ।
মুক্তিং গতাঃ খলু জনা কৃপয়া মুরারে
শ্রীনারসিংহ পরিপালয় মাং চ ভক্তম্ ॥ ৮॥
নমস্তে নারসিংহায় নমস্তে মধুবৈরিণে ।
নমস্তে পদ্মনেত্রায় নমস্তে দুঃখহারিণে ॥
ইতি শ্রীনৃসিংহাষ্টকং সম্পূর্ণম্ ।
