ಶ್ರೀಪರಶುರಾಮಾಷ್ಟಕಮ್ 3 Lyrics in Kannada:
॥ ಶ್ರೀಮದ್ದಿವ್ಯಪರಶುರಾಮಾಷ್ಟಕಸ್ತೋತ್ರಮ್ ॥
ಬ್ರಹ್ಮವಿಷ್ಣುಮಹೇಶಸನ್ನುತಪಾವನಾಂಘ್ರಿಸರೋರುಹಂ
ನೀಲನೀರಜಲೋಚನಂ ಹರಿಮಾಶ್ರಿತಾಮರಭೂರುಹಮ್ ।
ಕೇಶವಂ ಜಗದೀಶ್ವರಂ ತ್ರಿಗುಣಾತ್ಮಕಂ ಪರಪೂರುಷಂ
ಪರ್ಶುರಾಮಮುಪಾಸ್ಮಹೇ ಮಮ ಕಿಂಕರಿಷ್ಯತಿ ಯೋಽಪಿ ವೈ ॥ 1॥
ಅಕ್ಷಯಂ ಕಲುಷಾಪಹಂ ನಿರುಪದ್ರವಂ ಕರುಣಾನಿಧಿಂ
ವೇದರೂಪಮನಾಮಯಂ ವಿಭುಮಚ್ಯುತಂ ಪರಮೇಶ್ವರಮ್ ।
ಹರ್ಷದಂ ಜಮದಗ್ನಿಪುತ್ರಕಮಾರ್ಯಜುಷ್ಟಪದಾಮ್ಬುಜಂ
ಪರ್ಶುರಾಮಮುಪಾಸ್ಮಹೇ ಮಮ ಕಿಂಕರಿಷ್ಯತಿ ಯೋಽಪಿ ವೈ ॥ 2॥
ರೈಣುಕೇಯಮಹೀನಸತ್ವಕಮವ್ಯಯಂ ಸುಜನಾರ್ಚಿತಂ
ವಿಕ್ರಮಾಢ್ಯಮಿನಾಬ್ಜನೇತ್ರಕಮಬ್ಜಶಾರ್ಂಗಗದಾಧರಮ್ ।
ಛತ್ರಿತಾಹಿಮಶೇಷವಿದ್ಯಗಮಷ್ಟಮೂರ್ತಿಮನಾಶ್ರಯಂ – ??
ಪರ್ಶುರಾಮಮುಪಾಸ್ಮಹೇ ಮಮ ಕಿಂಕರಿಷ್ಯತಿ ಯೋಽಪಿ ವೈ ॥ 3॥
ಬಾಹುಜಾನ್ವಯವಾರಣಾಂಕುಶಮರ್ವಕಂಠಮನುತ್ತಮಂ
ಸರ್ವಭೂತದಯಾಪರಂ ಶಿವಮಬ್ಧಿಶಾಯಿನಮೌರ್ವಜಮ್ ।
ಭಕ್ತಶತ್ರುಜನಾರ್ದನಂ ನಿರಯಾರ್ದನಂ ಕುಜನಾರ್ದನಂ
ಪರ್ಶುರಾಮಮುಪಾಸ್ಮಹೇ ಮಮ ಕಿಂಕರಿಷ್ಯತಿ ಯೋಽಪಿ ವೈ ॥ 4॥
ಜಮ್ಭಯಜ್ಞವಿನಾಶಕಂಚ ತ್ರಿವಿಕ್ರಮಂ ದನುಜಾನ್ತಕಂ
ನಿರ್ವಿಕಾರಮಗೋಚರಂ ನರಸಿಂಹರೂಪಮನರ್ದಹಮ್ ।
ವೇದಭದ್ರಪದಾನುಸಾರಿಣಮಿನ್ದಿರಾಧಿಪಮಿಷ್ಟದಂ
ಪರ್ಶುರಾಮಮುಪಾಸ್ಮಹೇ ಮಮ ಕಿಂಕರಿಷ್ಯತಿ ಯೋಽಪಿ ವೈ ॥ 5॥
ನಿರ್ಜರಂ ಗರುಡಧ್ವಜಂ ಧರಣೀಶ್ವರಂ ಪರಮೋದದಂ
ಸರ್ವದೇವಮಹರ್ಷಿಭೂಸುರಗೀತರೂಪಮರೂಪಕಮ್ ।
ಭೂಮತಾಪಸವೇಷಧಾರಿಣಮದ್ರಿಶಂಚ ಮಹಾಮಹಂ
ಪರ್ಶುರಾಮಮುಪಾಸ್ಮಹೇ ಮಮ ಕಿಂಕರಿಷ್ಯತಿ ಯೋಽಪಿ ವೈ ॥ 6॥
ಸಾಮಲೋಲಮಭದ್ರನಾಶಕಮಾದಿಮೂರ್ತಿಮಿಲಾಸುರಂ
ಸರ್ವತೋಮುಖಮಕ್ಷಿಕರ್ಷಕಮಾರ್ಯದುಃಖಹರಂಕಲೌ ।
ವೇಂಕಟೇಶ್ವರರೂಪಕಂ ನಿಜಭಕ್ತಪಾಲನದೀಕ್ಷಿತಂ
ಪರ್ಶುರಾಮಮುಪಾಸ್ಮಹೇ ಮಮ ಕಿಂಕರಿಷ್ಯತಿ ಯೋಽಪಿ ವೈ ॥ 7॥
ದಿವ್ಯವಿಗ್ರಹಧಾರಿಣಂ ನಿಖಿಲಾಧಿಪಂ ಪರಮಂ ಮಹಾ-
ವೈರಿಸೂದನಪಂಡಿತಂ ಗಿರಿಜಾತಪೂಜಿತರೂಪಕಮ್ ।
ಬಾಹುಲೇಯಕುಗರ್ವಹಾರಕಮಾಶ್ರಿತಾವಳಿತಾರಕಂ
ಪರ್ಶುರಾಮಮುಪಾಸ್ಮಹೇ ಮಮ ಕಿಂಕರಿಷ್ಯತಿ ಯೋಽಪಿ ವೈ ॥ 8॥
ಪರ್ಶುರಾಮಾಷ್ಟಕಮಿದಂ ತ್ರಿಸನ್ಧ್ಯಂ ಯಃ ಪಠೇನ್ನರಃ
ಪರ್ಶುರಾಮಕೃಪಾಸಾರಂ ಸತ್ಯಂ ಪ್ರಾಪ್ನೋತಿ ಸತ್ವರಮ್ ॥
॥ ಇತಿ ಶ್ರೀಪೂಸಪಾಟಿ ರಂಗನಾಯಕಾಮಾತ್ಯ ಭಾರ್ಗವರ್ಷಿಕೃತ
ಶ್ರೀಮದ್ದಿವ್ಯಪರಶುರಾಮಾಷ್ಟಕಂ ಸಮ್ಪೂರ್ಣಮ್ ॥
