శ్రీపరశురామాష్టకమ్ ౩ Lyrics in Telugu:
॥ శ్రీమద్దివ్యపరశురామాష్టకస్తోత్రమ్ ॥
బ్రహ్మవిష్ణుమహేశసన్నుతపావనాఙ్ఘ్రిసరోరుహం
నీలనీరజలోచనం హరిమాశ్రితామరభూరుహమ్ ।
కేశవం జగదీశ్వరం త్రిగుణాత్మకం పరపూరుషం
పర్శురామముపాస్మహే మమ కిఙ్కరిష్యతి యోఽపి వై ॥ ౧॥
అక్షయం కలుషాపహం నిరుపద్రవం కరుణానిధిం
వేదరూపమనామయం విభుమచ్యుతం పరమేశ్వరమ్ ।
హర్షదం జమదగ్నిపుత్రకమార్యజుష్టపదామ్బుజం
పర్శురామముపాస్మహే మమ కిఙ్కరిష్యతి యోఽపి వై ॥ ౨॥
రైణుకేయమహీనసత్వకమవ్యయం సుజనార్చితం
విక్రమాఢ్యమినాబ్జనేత్రకమబ్జశార్ఙ్గగదాధరమ్ ।
ఛత్రితాహిమశేషవిద్యగమష్టమూర్తిమనాశ్రయం – ??
పర్శురామముపాస్మహే మమ కిఙ్కరిష్యతి యోఽపి వై ॥ ౩॥
బాహుజాన్వయవారణాఙ్కుశమర్వకణ్ఠమనుత్తమం
సర్వభూతదయాపరం శివమబ్ధిశాయినమౌర్వజమ్ ।
భక్తశత్రుజనార్దనం నిరయార్దనం కుజనార్దనం
పర్శురామముపాస్మహే మమ కిఙ్కరిష్యతి యోఽపి వై ॥ ౪॥
జమ్భయజ్ఞవినాశకఞ్చ త్రివిక్రమం దనుజాన్తకం
నిర్వికారమగోచరం నరసింహరూపమనర్దహమ్ ।
వేదభద్రపదానుసారిణమిన్దిరాధిపమిష్టదం
పర్శురామముపాస్మహే మమ కిఙ్కరిష్యతి యోఽపి వై ॥ ౫॥
నిర్జరం గరుడధ్వజం ధరణీశ్వరం పరమోదదం
సర్వదేవమహర్షిభూసురగీతరూపమరూపకమ్ ।
భూమతాపసవేషధారిణమద్రిశఞ్చ మహామహం
పర్శురామముపాస్మహే మమ కిఙ్కరిష్యతి యోఽపి వై ॥ ౬॥
సామలోలమభద్రనాశకమాదిమూర్తిమిలాసురం
సర్వతోముఖమక్షికర్షకమార్యదుఃఖహరఙ్కలౌ ।
వేఙ్కటేశ్వరరూపకం నిజభక్తపాలనదీక్షితం
పర్శురామముపాస్మహే మమ కిఙ్కరిష్యతి యోఽపి వై ॥ ౭॥
దివ్యవిగ్రహధారిణం నిఖిలాధిపం పరమం మహా-
వైరిసూదనపణ్డితం గిరిజాతపూజితరూపకమ్ ।
బాహులేయకుగర్వహారకమాశ్రితావళితారకం
పర్శురామముపాస్మహే మమ కిఙ్కరిష్యతి యోఽపి వై ॥ ౮॥
పర్శురామాష్టకమిదం త్రిసన్ధ్యం యః పఠేన్నరః
పర్శురామకృపాసారం సత్యం ప్రాప్నోతి సత్వరమ్ ॥
॥ ఇతి శ్రీపూసపాటి రఙ్గనాయకామాత్య భార్గవర్షికృత
శ్రీమద్దివ్యపరశురామాష్టకం సమ్పూర్ణమ్ ॥
