শ্রীপূর্ণাষ্টকম্ Lyrics in Bengali:
ভগবতি ভববন্ধচ্ছেদিনি ব্রহ্মবন্দ্যে
শশিমুখি রুচিপূর্ণে ভালচন্দ্রেঽন্নপূর্ণে ।
সকলদুরিতহন্ত্রি স্বর্গমোক্ষাদিদাত্রি
জননি নিটিলনেত্রে দেবি পূর্ণে প্রসীদ ॥ ১॥
তব গুণগরিমাণং বর্ণিতুং নৈব শক্তা
বিধি-হরি-হরদেবা নৈব লোকা ন বেদাঃ ।
কথমহমনভিজ্ঞো বাগতীতাং স্তুবীয়াং
জননি নিটিলনেত্রে দেবি পূর্ণে প্রসীদ ॥ ২॥
ভগবতি বসুকামাঃ স্বর্গমোক্ষাদিকামা-
দিতিজসুর-মুনীন্দ্রাস্ত্বাং ভজন্ত্যম্ব সর্বে ।
তব পদয়ুগভক্তিং ভিক্ষুকস্ত্বাং নমামি
জননি নিটিলনেত্রে দেবি পূর্ণে প্রসীদ ॥ ৩॥
য়দবধি ভবমাতস্তে কৃপা নাস্তি জন্তৌ
তদবধি ভবজালং কঃ সমর্থো বিহাতুম্ ।
ভবকৃতভয়ভীতস্ত্বাং শিবেঽহং প্রসন্নো
জননি নিটিলেনেত্রে দেবি পূর্ণে প্রসীদ ॥ ৪॥
সুরসুরপতিবন্দ্যে কোটিরিত্যেকরম্যে
নিখিলভবনধন্যে কামদে কামদেহে ।
ভবতি ভবপয়োধস্তারিণীং ত্বাং নতোঽহং
জননি নিটিলনেত্রে দেবি পূর্ণে প্রসীদ ॥ ৫॥
ত্বমিহ জগতি পূর্ণা ত্বদ্বিহীনং ন কিঞ্চিদ্
রজনি য়দি বিহীনং তত্স্বরূপ তু মিথ্যা ।
ইতি নিগদতি বেদো ব্রহ্মভিন্নং ন সত্যং
জননি নিটিলনেত্রে দেবি পূর্ণে প্রসীদ ॥ ৬॥
স্বজনশরণদক্ষে দক্ষজে পূর্ণকামে
সুরহিতকৃতরূপে নির্বিকল্পে নিরীহে ।
শ্রুতিসমুদয়গীতে সচ্চিদানন্দরূপে
জননি নিটিলনেত্রে দেবি পূর্ণে প্রসীদ ॥ ৭॥
ভগবতি তব পুর্যাং ত্বাং সমারাধ্য য়াচে
ভবতু গণপমাতভক্তিতস্তেঽবিরামঃ ।
ত্বদিতরজন আর্যে পূর্ণকামো ন পূর্ণে
জননি নিটিলনেত্রে দেবি পূর্ণে প্রসীদ ॥ ৮॥
ইতি শ্রীমত্পরমহংসপরিব্রাজকাচার্য-শ্রীমদুত্তরাম্নায়জ্যোতিষ্পীঠাধীশ্বর-
জগদ্গুরুশঙ্করাচার্য-স্বামিশ্রীশান্তানন্দসরস্বতীশিষ্য-
স্বামিশ্রীমদনন্তানন্দ-সরস্বতীবিরচিতং শ্রীপূর্ণাষ্টকং সম্পূর্ণম্ ।
