ശ്രീപൂര്‍ണാഷ്ടകം Lyrics in Malayalam:
ഭഗവതി ഭവബന്ധച്ഛേദിനി ബ്രഹ്മവന്ദ്യേ
ശശിമുഖി രുചിപൂര്‍ണേ ഭാലചന്ദ്രേഽന്നപൂര്‍ണേ ।
സകലദുരിതഹന്ത്രി സ്വര്‍ഗമോക്ഷാദിദാത്രി
ജനനി നിടിലനേത്രേ ദേവി പൂര്‍ണേ പ്രസീദ ॥ 1॥
തവ ഗുണഗരിമാണം വര്‍ണിതും നൈവ ശക്താ
വിധി-ഹരി-ഹരദേവാ നൈവ ലോകാ ന വേദാഃ ।
കഥമഹമനഭിജ്ഞോ വാഗതീതാം സ്തുവീയാം
ജനനി നിടിലനേത്രേ ദേവി പൂര്‍ണേ പ്രസീദ ॥ 2॥
ഭഗവതി വസുകാമാഃ സ്വര്‍ഗമോക്ഷാദികാമാ-
ദിതിജസുര-മുനീന്ദ്രാസ്ത്വാം ഭജന്ത്യംബ സര്‍വേ ।
തവ പദയുഗഭക്തിം ഭിക്ഷുകസ്ത്വാം നമാമി
ജനനി നിടിലനേത്രേ ദേവി പൂര്‍ണേ പ്രസീദ ॥ 3॥
യദവധി ഭവമാതസ്തേ കൃപാ നാസ്തി ജന്തൌ
തദവധി ഭവജാലം കഃ സമര്‍ഥോ വിഹാതും ।
ഭവകൃതഭയഭീതസ്ത്വാം ശിവേഽഹം പ്രസന്നോ
ജനനി നിടിലേനേത്രേ ദേവി പൂര്‍ണേ പ്രസീദ ॥ 4॥
സുരസുരപതിവന്ദ്യേ കോടിരിത്യേകരംയേ
നിഖിലഭവനധന്യേ കാമദേ കാമദേഹേ ।
ഭവതി ഭവപയോധസ്താരിണീം ത്വാം നതോഽഹം
ജനനി നിടിലനേത്രേ ദേവി പൂര്‍ണേ പ്രസീദ ॥ 5॥
ത്വമിഹ ജഗതി പൂര്‍ണാ ത്വദ്വിഹീനം ന കിഞ്ചിദ്
രജനി യദി വിഹീനം തത്സ്വരൂപ തു മിഥ്യാ ।
ഇതി നിഗദതി വേദോ ബ്രഹ്മഭിന്നം ന സത്യം
ജനനി നിടിലനേത്രേ ദേവി പൂര്‍ണേ പ്രസീദ ॥ 6॥
സ്വജനശരണദക്ഷേ ദക്ഷജേ പൂര്‍ണകാമേ
സുരഹിതകൃതരൂപേ നിര്‍വികല്‍പേ നിരീഹേ ।
ശ്രുതിസമുദയഗീതേ സച്ചിദാനന്ദരൂപേ
ജനനി നിടിലനേത്രേ ദേവി പൂര്‍ണേ പ്രസീദ ॥ 7॥
ഭഗവതി തവ പുര്യാം ത്വാം സമാരാധ്യ യാചേ
ഭവതു ഗണപമാതഭക്തിതസ്തേഽവിരാമഃ ।
ത്വദിതരജന ആര്യേ പൂര്‍ണകാമോ ന പൂര്‍ണേ
ജനനി നിടിലനേത്രേ ദേവി പൂര്‍ണേ പ്രസീദ ॥ 8॥
ഇതി ശ്രീമത്പരമഹംസപരിവ്രാജകാചാര്യ-ശ്രീമദുത്തരാംനായജ്യോതിഷ്പീഠാധീശ്വര-
ജഗദ്ഗുരുശങ്കരാചാര്യ-സ്വാമിശ്രീശാന്താനന്ദസരസ്വതീശിഷ്യ-
സ്വാമിശ്രീമദനന്താനന്ദ-സരസ്വതീവിരചിതം ശ്രീപൂര്‍ണാഷ്ടകം സമ്പൂര്‍ണം ।
