ଶ୍ରୀପୂର୍ଣାଷ୍ଟକମ୍ Lyrics in Oriya:
ଭଗଵତି ଭଵବନ୍ଧଚ୍ଛେଦିନି ବ୍ରହ୍ମଵନ୍ଦ୍ୟେ
ଶଶିମୁଖି ରୁଚିପୂର୍ଣେ ଭାଲଚନ୍ଦ୍ରେଽନ୍ନପୂର୍ଣେ ।
ସକଲଦୁରିତହନ୍ତ୍ରି ସ୍ଵର୍ଗମୋକ୍ଷାଦିଦାତ୍ରି
ଜନନି ନିଟିଲନେତ୍ରେ ଦେଵି ପୂର୍ଣେ ପ୍ରସୀଦ ॥ ୧॥
ତଵ ଗୁଣଗରିମାଣଂ ଵର୍ଣିତୁଂ ନୈଵ ଶକ୍ତା
ଵିଧି-ହରି-ହରଦେଵା ନୈଵ ଲୋକା ନ ଵେଦାଃ ।
କଥମହମନଭିଜ୍ଞୋ ଵାଗତୀତାଂ ସ୍ତୁଵୀୟାଂ
ଜନନି ନିଟିଲନେତ୍ରେ ଦେଵି ପୂର୍ଣେ ପ୍ରସୀଦ ॥ ୨॥
ଭଗଵତି ଵସୁକାମାଃ ସ୍ଵର୍ଗମୋକ୍ଷାଦିକାମା-
ଦିତିଜସୁର-ମୁନୀନ୍ଦ୍ରାସ୍ତ୍ଵାଂ ଭଜନ୍ତ୍ୟମ୍ବ ସର୍ଵେ ।
ତଵ ପଦୟୁଗଭକ୍ତିଂ ଭିକ୍ଷୁକସ୍ତ୍ଵାଂ ନମାମି
ଜନନି ନିଟିଲନେତ୍ରେ ଦେଵି ପୂର୍ଣେ ପ୍ରସୀଦ ॥ ୩॥
ୟଦଵଧି ଭଵମାତସ୍ତେ କୃପା ନାସ୍ତି ଜନ୍ତୌ
ତଦଵଧି ଭଵଜାଲଂ କଃ ସମର୍ଥୋ ଵିହାତୁମ୍ ।
ଭଵକୃତଭୟଭୀତସ୍ତ୍ଵାଂ ଶିଵେଽହଂ ପ୍ରସନ୍ନୋ
ଜନନି ନିଟିଲେନେତ୍ରେ ଦେଵି ପୂର୍ଣେ ପ୍ରସୀଦ ॥ ୪॥
ସୁରସୁରପତିଵନ୍ଦ୍ୟେ କୋଟିରିତ୍ୟେକରମ୍ୟେ
ନିଖିଲଭଵନଧନ୍ୟେ କାମଦେ କାମଦେହେ ।
ଭଵତି ଭଵପୟୋଧସ୍ତାରିଣୀଂ ତ୍ଵାଂ ନତୋଽହଂ
ଜନନି ନିଟିଲନେତ୍ରେ ଦେଵି ପୂର୍ଣେ ପ୍ରସୀଦ ॥ ୫॥
ତ୍ଵମିହ ଜଗତି ପୂର୍ଣା ତ୍ଵଦ୍ଵିହୀନଂ ନ କିଞ୍ଚିଦ୍
ରଜନି ୟଦି ଵିହୀନଂ ତତ୍ସ୍ଵରୂପ ତୁ ମିଥ୍ୟା ।
ଇତି ନିଗଦତି ଵେଦୋ ବ୍ରହ୍ମଭିନ୍ନଂ ନ ସତ୍ୟଂ
ଜନନି ନିଟିଲନେତ୍ରେ ଦେଵି ପୂର୍ଣେ ପ୍ରସୀଦ ॥ ୬॥
ସ୍ଵଜନଶରଣଦକ୍ଷେ ଦକ୍ଷଜେ ପୂର୍ଣକାମେ
ସୁରହିତକୃତରୂପେ ନିର୍ଵିକଲ୍ପେ ନିରୀହେ ।
ଶ୍ରୁତିସମୁଦୟଗୀତେ ସଚ୍ଚିଦାନନ୍ଦରୂପେ
ଜନନି ନିଟିଲନେତ୍ରେ ଦେଵି ପୂର୍ଣେ ପ୍ରସୀଦ ॥ ୭॥
ଭଗଵତି ତଵ ପୁର୍ୟାଂ ତ୍ଵାଂ ସମାରାଧ୍ୟ ୟାଚେ
ଭଵତୁ ଗଣପମାତଭକ୍ତିତସ୍ତେଽଵିରାମଃ ।
ତ୍ଵଦିତରଜନ ଆର୍ୟେ ପୂର୍ଣକାମୋ ନ ପୂର୍ଣେ
ଜନନି ନିଟିଲନେତ୍ରେ ଦେଵି ପୂର୍ଣେ ପ୍ରସୀଦ ॥ ୮॥
ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ୟ-ଶ୍ରୀମଦୁତ୍ତରାମ୍ନାୟଜ୍ୟୋତିଷ୍ପୀଠାଧୀଶ୍ଵର-
ଜଗଦ୍ଗୁରୁଶଙ୍କରାଚାର୍ୟ-ସ୍ଵାମିଶ୍ରୀଶାନ୍ତାନନ୍ଦସରସ୍ଵତୀଶିଷ୍ୟ-
ସ୍ଵାମିଶ୍ରୀମଦନନ୍ତାନନ୍ଦ-ସରସ୍ଵତୀଵିରଚିତଂ ଶ୍ରୀପୂର୍ଣାଷ୍ଟକଂ ସମ୍ପୂର୍ଣମ୍ ।
