Shri Radhashtakam 3 Lyrics in Bengali:
রাধাষ্টকম্ ৩
নমস্তে শ্রিয়ৈ রাধিকায়ৈ পরায়ৈ
নমস্তে নমস্তে মুকুন্দপ্রিয়ায়ৈ ।
সদানন্দরূপে প্রসীদ ত্বমন্তঃ-
প্রকাশে স্ফুরন্তী মুকুন্দেন সার্ধম্ ॥ ১॥
স্ববাসোপহারং য়শোদাসুতং বা
স্বদধ্যাদিচৌরং সমারাধয়ন্তীম্ ।
স্বদাম্নোদরে য়া ববন্ধাশু নীব্যা
প্রপদ্যে নু দামোদরপ্রেয়সীং তাম্ ॥ ২॥
দুরারাধ্যমারাধ্য কৃষ্ণং বশে তং
মহাপ্রেমপূরেণ রাধাভিধাভূঃ ।
স্বয়ং নামকীর্ত্যা হরৌ প্রেম য়চ্ছত্
প্রপন্নায় মে কৃষ্ণরূপে সমক্ষম্ ॥ ৩॥
মুকুন্দস্ত্বয়া প্রেমডোরেণ বদ্ধঃ
পতঙ্গো য়থা ত্বামনুভ্রাম্যমাণঃ ।
উপক্রীডয়ন্ হার্দমেবানুগচ্ছন্
কৃপাবর্ততে কারয়াতো ময়ীষ্টিম্ ॥ ৪॥
ব্রজন্তীং স্ববৃন্দাবনে নিত্যকালং
মুকুন্দেন সাকং বিধায়াঙ্কমালাম্ ।
সমামোক্ষ্যমাণানুকম্পাকটাক্ষৈঃ
শ্রিয়ং চিন্তয়ে সচ্চিদানন্দরূপাম্ ॥ ৫॥
মুকুন্দানুরাগেণ রোমাঞ্চিতাঙ্গৈ-
রহং বেপ্যমানাং তনুস্বেদবিন্দুম্ ।
মহাহার্দবৃষ্ট্যা কৃপাপাঙ্গদৃষ্ট্যা
সমালোকয়ন্তীং কদা মাং বিচক্ষে ॥ ৬॥
য়দ্ অঙ্কাবলোকে মহালালসৌঘং
মুকুন্দঃ করোতি স্বয়ং ধ্যেয়পাদঃ ।
পদং রাধিকে তে সদা দর্শয়ান্তর্-
হৃদিস্থং নমন্তং কিরদ্রোচিষং মাম্ ॥ ৭॥
সদা রাধিকানাম জিহ্বাগ্রতঃ স্যাত্
সদা রাধিকারূপমক্ষ্যগ্র আস্তাম্ ।
শ্রুতৌ রাধিকাকীর্তিরন্তঃস্বভাবে
গুণা রাধিকায়াঃ শ্রিয়া এতদ্ ঈহে ॥ ৮॥
ইদং ত্বষ্টকং রাধিকায়াঃ প্রিয়ায়াঃ
পঠেয়ুঃ সদৈবং হি দামোদরস্য ।
সুতিষ্ঠন্তি বৃন্দাবনে কৃষ্ণধাম্নি
সখীমূর্তয়ো য়ুগ্মসেবানুকূলাঃ ॥ ৯॥
ইতি শ্রীনিম্বার্কাচার্যবিরচিতম্ রাধাষ্টকং সম্পূর্ণম্ ।
