Templesinindiainfo

Best Spiritual Website

Sri Rudra Kotishvara Ashtakam Lyrics in Hindi

Shri Rudra Koteswara Ashtakam in Hindi:

॥ श्रीरुद्रकोटीश्वराष्टकम् ॥

ॐ श्रीगणेशाय नमः ।

क्षेत्रम् – तिरुकषुगुकुंड्रं Tirukazhugukundram, Tamil Nadu

व्योमानिलानलजलाचलचन्द्रसूर्य-
चैतन्यकल्पितशरीरविराजिताय
ऋग्वादि वेदगिरिशृङ्गनिकेतनाय
श्रीरुद्रकोटिनिलयाय नमःशिवाय ॥ १ ॥

कर्पूरशङ्खधवलाकृतिचन्द्रकान्त-
मुक्ताफलस्पटिकवन्हिपविग्रहाय ।
कस्तूरिकुङ्कुमहिमाम्बुविलेपनाय
श्रीरुद्रकोटिनिलयाय नमःशिवाय ॥ २ ॥

सौन्दर्यनायकिमुखाम्बुजभृङ्गभूत
चन्द्रार्कवन्हिनिलयाय सदाशिवाय ।
अणिमादिदाय करुणामृतसागराय
श्रीरुद्रकोटिनिलयाय नमःशिवाय ॥ ३ ॥

गङ्गाजलाग्रनिलयाय कलामयाय
कामान्धकत्रिपुरदग्धविलेपनाय
गङ्गाधराय गरुडध्वजसेविताय
श्रीरुद्रकोटिनिलयाय नमःशिवाय ॥ ४ ॥

गृध्राचलेन्द्रनिलयाय निरीश्वराय
तत्त्वादि सिद्धसुपूजितवन्दिताय ।
सिद्धादि योगपुरुषाय दिगम्बराय
श्रीरुद्रकोटिनिलयाय नमःशिवाय ॥ ५ ॥

पञ्चाक्षराय भवसागरतारणाय
पञ्चास्यचर्मवसनाय परात्पराय
पञ्चाक्षराय निगमाचलनायकाय
श्रीरुद्रकोटिनिलयाय नमःशिवाय ॥ ६ ॥

वेदान्तमुख्यविभवाय निरीश्वराय
वेदान्तवेद्यसरसाय विचक्षणाय ।
वेदाय वेददुर्गाय विक्षायनाय
श्रीरुद्रकोटिनिलयाय नमःशिवाय ॥ ७ ॥

आधारशक्तिकुटिलासनपञ्चकाय
ब्रह्माण्डकल्पितकलामयविग्रहाय
प्रासाद षोडशकलामय विश्वमूर्ति
श्रीरुद्रकोटिनिलयाय नमःशिवाय ॥ ८ ॥

इति श्रीरुद्रकोटीश्वराष्टकं सम्पूर्णम् ॥

Also Read:

Sri Rudra Kotishvara Ashtakam in Hindi | English | Gujarati | Punjabi | Kannada | Malayalam | Oriya | Telugu | Tamil

Sri Rudra Kotishvara Ashtakam Lyrics in Hindi

Leave a Reply

Your email address will not be published. Required fields are marked *

Scroll to top