Shri Sankashta Nashanam Lyrics in Malayalam | Slokam in Malayalam
Sankat Ashtaka Stotram Lyrics in Malayalam:
|| സങ്കഷ്ടനാശനം സംകടാഷ്ടകസ്തോത്രം ||
ശ്രീഗണേശായ നമഃ ।
ധ്യാനം
ധ്യായേഽഹം പരമേശ്വരീം ദശഭുജാം നേത്രത്രയോദ്ഭൂഷിതാം
സദ്യഃ സങ്കടതാരിണീം ഗുണമയീമാരക്തവര്‍ണാം ശുഭാം ।
അക്ഷ-സ്രഗ്-ജലപൂര്‍ണകുംഭ-കമലം ശംഖം ഗദാ ബിഭ്രതീം
ത്രൈശൂലം ഡമരൂശ്ച ഖഡ്ഗ-വിധൃതാം ചക്രാഭയാഢ്യാം പരാം ||
ഓം നാരദ ഉവാച
ജൈഗീഷവ്യ മുനിശ്രേഷ്ഠ സര്‍വജ്ഞ സുഖദായക ।
ആഖ്യാതാനി സുപുണ്യാനി ശ്രുതാനി ത്വത്പ്രസാദതഃ || 1 ||
ന തൃപ്തിമധിഗച്ഛാമി തവ വാഗമൃതേന ച ।
വദസ്വൈകം മഹാഭാഗ സങ്കടാഖ്യാനമുത്തമം || 2 ||
ഇതി തസ്യ വചഃ ശ്രുത്വാ ജൈഗീഷവ്യോഽബ്രവീത്തതഃ ।
സങ്കഷ്ടനാശനം സ്തോത്രം ശൃണു ദേവര്‍ഷിസത്തമ || 3 ||
ദ്വാപരേ തു പുരാ വൃത്തേ ഭ്രഷ്ടരാജ്യോ യുധിഷ്ഠിരഃ ।
ഭ്രാതൃഭിഃ സഹിതോ രാജ്യനിര്‍വേദം പരമം ഗതഃ || 4 ||
തദാനീം തു തതഃ കാശീം പുരീം യാതോ മഹാമുനിഃ
മാര്‍കണ്ഡേയ ഇതി ഖ്യാതഃ സഹ ശിഷ്യൈര്‍മഹായശാഃ || 5 ||
തം ദൃഷ്ട്വാ സ സമുത്ഥായ പ്രണിപത്യ സുപൂജിതഃ ।
കിമര്‍ഥം ംലാനവദന ഏതത്ത്വം മാം നിവേദയ || 6 ||
യുധിഷ്ഠിര ഉവാച
സങ്കഷ്ടം മേ മഹത്പ്രാപ്തമേതാദൃഗ്വദനം തതഃ ।
ഏതന്നിവാരണോപായം കിംചിദ്ബ്രൂഹി മുനേ മമ || 7 ||
മാര്‍കണ്ഡേയ ഉവാച
ആനന്ദകാനനേ ദേവീ സങ്കടാ നാമ വിശ്രുതാ ।
വീരേശ്വരോത്തരേ ഭാഗേ പൂര്‍വം ചന്ദ്രേശ്വരസ്യ ച || 8 ||
ശൃണു നാമാഷ്ടകം തസ്യാഃ സര്‍വസിദ്ധികരം നൃണാം ।
സങ്കടാ പ്രഥമം നാമ ദ്വിതീയം വിജയാ തഥാ || 9 ||
തൃതീയം കാമദാ പ്രോക്തം ചതുര്‍ഥം ദുഃഖഹാരിണീ ।
ശര്‍വാണീ പഞ്ചമം നാമ ഷഷ്ഠം കാത്യായനീ തഥാ || 10 ||
സപ്തമം ഭീമനയനാ സര്‍വരോഗഹരാഽഷ്ടമം ।
നാമാഷ്ടകമിദം പുണ്യം ത്രിസന്ധ്യം ശ്രദ്ധയാന്വിതഃ || 11 ||
യഃ പഠേത്പാഠയേദ്വാപി നരോ മുച്യേത സങ്കടാത് ।
ഇത്യുക്ത്വാ തു ദ്വിജശ്രേഷ്ഠമൃഷിര്‍വാരാണസീം യയൌ || 12 ||
ഇതി തസ്യ വചഃ ശ്രുത്വാ നാരദോ ഹര്‍ഷനിര്‍ഭരഃ ।
തതഃ സമ്പൂജിതാം ദേവീം വീരേശ്വരസമന്വിതാം || 13 ||
ഭുജൈസ്തു ദശഭിര്യുക്താം ലോചനത്രയഭൂഷിതാം ।
മാലാകമണ്ഡലുയുതാം പദ്മശങ്ഖഗദായുതാം || 14 ||
ത്രിശൂലഡമരുധരാം ഖഡ്ഗചര്‍മവിഭൂഷിതാം ।
വരദാഭയഹസ്താം താം പ്രണംയ വിധിനന്ദനഃ || 15 ||
വാരത്രയം ഗൃഹീത്വാ തു തതോ വിഷ്ണുപുരം യയൌ ।
ഏതത്സ്തോത്രസ്യ പഠനം പുത്രപൌത്രവിവര്‍ധനം || 16 ||
സങ്കഷ്ടനാശനം ചൈവ ത്രിഷു ലോകേഷു വിശ്രുതം ।
ഗോപനീയം പ്രയത്നേന മഹാവന്ധ്യാപ്രസൂതികൃത് || 17 ||
|| ഇതി ശ്രീപദ്മപുരാണേ സങ്കഷ്ടനാശനം സങ്കടാഷ്ടകം സമ്പൂര്‍ണം ||
