Templesinindiainfo

Best Spiritual Website

Shri Sankashta Nashanam Lyrics in Oriya | Slokam in Oriya

Sankat Ashtaka Stotram Lyrics in Oriya:

|| ସଙ୍କଷ୍ଟନାଶନଂ ସଂକଟାଷ୍ଟକସ୍ତୋତ୍ରମ୍ ||

ଶ୍ରୀଗଣେଶାୟ ନମଃ ।
ଧ୍ୟାନମ୍
ଧ୍ୟାୟେଽହଂ ପରମେଶ୍ଵରୀଂ ଦଶଭୁଜାଂ ନେତ୍ରତ୍ରୟୋଦ୍ଭୂଷିତାଂ
ସଦ୍ୟଃ ସଙ୍କଟତାରିଣୀଂ ଗୁଣମୟୀମାରକ୍ତଵର୍ଣାଂ ଶୁଭାମ୍ ।
ଅକ୍ଷ-ସ୍ରଗ୍-ଜଲପୂର୍ଣକୁମ୍ଭ-କମଲଂ ଶଂଖଂ ଗଦା ବିଭ୍ରତୀଂ
ତ୍ରୈଶୂଲଂ ଡମରୂଶ୍ଚ ଖଡ୍ଗ-ଵିଧୃତାଂ ଚକ୍ରାଭୟାଢ୍ୟାଂ ପରାମ୍ ||

ଓଂ ନାରଦ ଉଵାଚ
ଜୈଗୀଷଵ୍ୟ ମୁନିଶ୍ରେଷ୍ଠ ସର୍ଵଜ୍ଞ ସୁଖଦାୟକ ।
ଆଖ୍ୟାତାନି ସୁପୁଣ୍ୟାନି ଶ୍ରୁତାନି ତ୍ଵତ୍ପ୍ରସାଦତଃ || ୧ ||

ନ ତୃପ୍ତିମଧିଗଚ୍ଛାମି ତଵ ଵାଗମୃତେନ ଚ ।
ଵଦସ୍ଵୈକଂ ମହାଭାଗ ସଙ୍କଟାଖ୍ୟାନମୁତ୍ତମମ୍ || ୨ ||

ଇତି ତସ୍ୟ ଵଚଃ ଶ୍ରୁତ୍ଵା ଜୈଗୀଷଵ୍ୟୋଽବ୍ରଵୀତ୍ତତଃ ।
ସଙ୍କଷ୍ଟନାଶନଂ ସ୍ତୋତ୍ରଂ ଶୃଣୁ ଦେଵର୍ଷିସତ୍ତମ || ୩ ||

ଦ୍ଵାପରେ ତୁ ପୁରା ଵୃତ୍ତେ ଭ୍ରଷ୍ଟରାଜ୍ୟୋ ୟୁଧିଷ୍ଠିରଃ ।
ଭ୍ରାତୃଭିଃ ସହିତୋ ରାଜ୍ୟନିର୍ଵେଦଂ ପରମଂ ଗତଃ || ୪ ||

ତଦାନୀଂ ତୁ ତତଃ କାଶୀଂ ପୁରୀଂ ୟାତୋ ମହାମୁନିଃ
ମାର୍କଣ୍ଡେୟ ଇତି ଖ୍ୟାତଃ ସହ ଶିଷ୍ୟୈର୍ମହାୟଶାଃ || ୫ ||

ତଂ ଦୃଷ୍ଟ୍ଵା ସ ସମୁତ୍ଥାୟ ପ୍ରଣିପତ୍ୟ ସୁପୂଜିତଃ ।
କିମର୍ଥଂ ମ୍ଲାନଵଦନ ଏତତ୍ତ୍ଵଂ ମାଂ ନିଵେଦୟ || ୬ ||

ୟୁଧିଷ୍ଠିର ଉଵାଚ
ସଙ୍କଷ୍ଟଂ ମେ ମହତ୍ପ୍ରାପ୍ତମେତାଦୃଗ୍ଵଦନଂ ତତଃ ।
ଏତନ୍ନିଵାରଣୋପାୟଂ କିଂଚିଦ୍ବ୍ରୂହି ମୁନେ ମମ || ୭ ||

ମାର୍କଣ୍ଡେୟ ଉଵାଚ
ଆନନ୍ଦକାନନେ ଦେଵୀ ସଙ୍କଟା ନାମ ଵିଶ୍ରୁତା ।
ଵୀରେଶ୍ଵରୋତ୍ତରେ ଭାଗେ ପୂର୍ଵଂ ଚନ୍ଦ୍ରେଶ୍ଵରସ୍ୟ ଚ || ୮ ||

ଶୃଣୁ ନାମାଷ୍ଟକଂ ତସ୍ୟାଃ ସର୍ଵସିଦ୍ଧିକରଂ ନୃଣାମ୍ ।
ସଙ୍କଟା ପ୍ରଥମଂ ନାମ ଦ୍ଵିତୀୟଂ ଵିଜୟା ତଥା || ୯ ||

ତୃତୀୟଂ କାମଦା ପ୍ରୋକ୍ତଂ ଚତୁର୍ଥଂ ଦୁଃଖହାରିଣୀ ।
ଶର୍ଵାଣୀ ପଞ୍ଚମଂ ନାମ ଷଷ୍ଠଂ କାତ୍ୟାୟନୀ ତଥା || ୧୦ ||

ସପ୍ତମଂ ଭୀମନୟନା ସର୍ଵରୋଗହରାଽଷ୍ଟମମ୍ ।
ନାମାଷ୍ଟକମିଦଂ ପୁଣ୍ୟଂ ତ୍ରିସନ୍ଧ୍ୟଂ ଶ୍ରଦ୍ଧୟାନ୍ଵିତଃ || ୧୧ ||

ୟଃ ପଠେତ୍ପାଠୟେଦ୍ଵାପି ନରୋ ମୁଚ୍ୟେତ ସଙ୍କଟାତ୍ ।
ଇତ୍ୟୁକ୍ତ୍ଵା ତୁ ଦ୍ଵିଜଶ୍ରେଷ୍ଠମୃଷିର୍ଵାରାଣସୀଂ ୟୟୌ || ୧୨ ||

ଇତି ତସ୍ୟ ଵଚଃ ଶ୍ରୁତ୍ଵା ନାରଦୋ ହର୍ଷନିର୍ଭରଃ ।
ତତଃ ସମ୍ପୂଜିତାଂ ଦେଵୀଂ ଵୀରେଶ୍ଵରସମନ୍ଵିତାମ୍ || ୧୩ ||

ଭୁଜୈସ୍ତୁ ଦଶଭିର୍ୟୁକ୍ତାଂ ଲୋଚନତ୍ରୟଭୂଷିତାମ୍ ।
ମାଲାକମଣ୍ଡଲୁୟୁତାଂ ପଦ୍ମଶଙ୍ଖଗଦାୟୁତାମ୍ || ୧୪ ||

ତ୍ରିଶୂଲଡମରୁଧରାଂ ଖଡ୍ଗଚର୍ମଵିଭୂଷିତାମ୍ ।
ଵରଦାଭୟହସ୍ତାଂ ତାଂ ପ୍ରଣମ୍ୟ ଵିଧିନନ୍ଦନଃ || ୧୫ ||

ଵାରତ୍ରୟଂ ଗୃହୀତ୍ଵା ତୁ ତତୋ ଵିଷ୍ଣୁପୁରଂ ୟୟୌ ।
ଏତତ୍ସ୍ତୋତ୍ରସ୍ୟ ପଠନଂ ପୁତ୍ରପୌତ୍ରଵିଵର୍ଧନମ୍ || ୧୬ ||

ସଙ୍କଷ୍ଟନାଶନଂ ଚୈଵ ତ୍ରିଷୁ ଲୋକେଷୁ ଵିଶ୍ରୁତମ୍ ।
ଗୋପନୀୟଂ ପ୍ରୟତ୍ନେନ ମହାଵନ୍ଧ୍ୟାପ୍ରସୂତିକୃତ୍ || ୧୭ ||

|| ଇତି ଶ୍ରୀପଦ୍ମପୁରାଣେ ସଙ୍କଷ୍ଟନାଶନଂ ସଙ୍କଟାଷ୍ଟକଂ ସମ୍ପୂର୍ଣମ୍ ||

Shri Sankashta Nashanam Lyrics in Oriya | Slokam in Oriya

Leave a Reply

Your email address will not be published. Required fields are marked *

Scroll to top