Ashtaka

Shri Tripurarnavokta Varganta Stotram Lyrics in Malayalam | ശ്രീത്രിപുരാര്‍ണവോക്തവര്‍ഗാന്തസ്തോത്രം

ശ്രീത്രിപുരാര്‍ണവോക്തവര്‍ഗാന്തസ്തോത്രം Lyrics in Malayalam:

ക്ഷ്മാംബ്വഗ്നീരണഖാര്‍കേന്ദുയഷ്ട്ടപ്രായയുഗാക്ഷരൈഃ ।
മാതൃഭൈരവഗാം വന്ദേ ദേവീം ത്രിപുരഭൈരവീം ॥ 1॥

കാദിവര്‍ഗാഷ്ടകാകാരസമസ്താഷ്ടകവിഗ്രഹാം ।
അഷ്ടശക്ത്യാവൃതാം വന്ദേ ദേവീം ത്രിപുരഭൈരവീം ॥ 2॥

സ്വരഷോഡശകാനാം തു ഷട് ത്രിംശദ്ഭിഃ പരാപരൈഃ ।
ഷട് ത്രിംശത്തത്വഗാം വന്ദേ ദേവീം ത്രിപുരഭൈരവീം ॥ 3॥

ഷട് ത്രിംശത്തത്വസംസ്ഥാപ്യശിവചന്ദ്രകലാസ്വപി ।
കാദിതത്ത്വാന്തരാം വന്ദേ ദേവീം ത്രിപുരഭൈരവീം ॥ 4॥

ആ ഈ മായാ ദ്വയോപാധിവിചിത്രേന്ദുകലാവതീം ।
സര്‍വാത്മികാം പരാം വന്ദേ ദേവീം ത്രിപുരഭൈരവീം ॥ 5॥

ഷഡധ്വപിണ്ഡയോനിസ്ഥാം മണ്ഡലത്രയകുണ്ഡലീം ।
ലിങ്ഗത്രയാതിഗാം വന്ദേ ദേവീം ത്രിപുരഭൈരവീം ॥ 6॥

സ്വയംഭൂഹൃദയാം ബാണഭ്രൂകാമാന്തഃസ്ഥിതേതരാം ।
പ്രാച്യാം പ്രത്യക്ചിതിം വന്ദേ ദേവീം ത്രിപുരഭൈരവീം ॥ 7॥

അക്ഷരാന്തര്‍ഗതാശേഷനാമരൂപാം ക്രിയാപരാം ।
ശക്തിം വിശ്വേശ്വരീം വന്ദേ ദേവീം ത്രിപുരഭൈരവീം ॥ 8॥

വര്‍ഗാന്തേ പഠിതവ്യം സ്യാത് സ്തോത്രമേതത്സമാഹിതൈഃ ।
സര്‍വാന്‍ കാമാനവാപ്നോതി അന്തേ സായുജ്യമാപ്നുയാത് ॥ 9॥

ഇതി ശ്രീത്രിപുരാര്‍ണവോക്തവര്‍ഗാന്തസ്തോത്രം സമ്പൂര്‍ണം ।