Sri Vatapatyashtakam Lyrics in Oriya:
॥ ଶ୍ରୀଵଟପତ୍ୟଷ୍ଟକମ୍ ॥
ଭଵଂ ସୃଷ୍ଟ୍ଵା ଦେଵଃ ସ୍ଵୟମିହ ନିଵିଷ୍ଟୋ ଭଵମୁଖେ
ସହସ୍ରାସ୍ୟୋ ଭୂତ୍ଵା ଫଲମନୁଭଵଞ୍ଛାସ୍ତ୍ୟଵିକୃତଃ ।
ପରଂ ଦେଵୈଃ ସେଵ୍ୟଂ ରସମୁପନିଷଦ୍ଵେଦ୍ୟମମିତଂ
ନମାମି ଶ୍ରୀନାଥଂ ଭଵଭୟହରଂ ଶ୍ରୀଵଟପତିମ୍ ॥ ୧॥
ଚିଦାନନ୍ଦଂ ସତ୍ୟଂ ଜଗଦୁଦୟରକ୍ଷାଲୟକରଂ
ୟଦଜ୍ଞାନାଚ୍ଛୁକ୍ତୌ ରଜତମିଵ ଵିଶ୍ଵଂ ଵିଲସିତମ୍ ।
ପୁନର୍ୟଦ୍ଵିଜ୍ଞାନଂ ଭ୍ରମହରମଭେଦଂ ତମନଘଂ
ନମାମି ଶ୍ରୀନାଥଂ ଭଵଭୟହରଂ ଶ୍ରୀଵଟପତିମ୍ ॥ ୨॥
ପୁରାଣୋ ୟୋ ଦେଵୋ ନିଵସତି ଵଟେଶସ୍ତନୁଭୃତାଂ
ହୃଦମ୍ଭୋଜେ ଦ୍ରଷ୍ଟା ଵିଦିତମହିମା ସୌଖ୍ୟସଦନମ୍ ।
ତମାରାଧ୍ୟଂ ସିଦ୍ଧୈଃ ସୁରମନୁଜସଂସେଵିତପଦଂ
ନମାମି ଶ୍ରୀନାଥଂ ଭଵଭୟହରଂ ଶ୍ରୀଵଟପତିମ୍ ॥ ୩॥
ମହାମୋହାଗାରେଽତିଵିପଦି ଭଵାବ୍ଧୌ ନିପତିତୋ
ନ ପଶ୍ୟାମି ତ୍ଵତ୍ତୋଽନ୍ୟଦିହ ଶରଣଂ ମେ ସୁଖକରମ୍ ।
ଦୟାସିନ୍ଧୋ ମାମୁଦ୍ଧର ସପଦି ତସ୍ମାଚ୍ଛରଣଦଂ
ନମାମି ଶ୍ରୀନାଥଂ ଭଵଭୟହରଂ ଶ୍ରୀଵଟପତିମ୍ ॥ ୪॥
ଅସାରେ ସଂସାରେ ଵିକୃତିନିଲୟେ କ୍ଲେଶବହୁଲେ
ରୁଚିଂ ବଧ୍ନନ୍ତ୍ୟଜ୍ଞାଃ ସୁଖମଧୁଲଵାୟାନ୍ତଵିରସେ ।
ତ୍ଵମେଵାସ୍ମିନ୍ସାରୋ ଜଗତି ତମହଂ ତ୍ଵା ରସଘନଂ
ନମାମି ଶ୍ରୀନାଥଂ ଭଵଭୟହରଂ ଶ୍ରୀଵଟପତିମ୍ ॥ ୫॥
କଦାଽହଂ ମୋକ୍ଷ୍ୟେଽସ୍ମାନ୍ନିବିଡତମସୋ ବନ୍ଧନଗୃହାତ୍
ପ୍ରଭୋ ସଂସାରାତ୍ତ୍ଵଚ୍ଛ୍ରଵଣମନନଧ୍ୟାନରହିତଃ ।
ନ ୟୋଗଂ ସାଙ୍ଖ୍ୟଂ ଵା କମପି ସଦୁପାୟଂ ଚ କଲୟେ
ନମାମି ଶ୍ରୀନାଥଂ ଭଵଭୟହରଂ ଶ୍ରୀଵଟପତିମ୍ ॥ ୬॥
ନିରାକାରଂ ସ୍ଵାମିଞ୍ଜୟତୁ ତଵ ରୂପଂ ଶ୍ରୁତିନୁତ-
ମହଂ ତୁ ତ୍ଵାଂ ମନ୍ୟେ କରଚରଣୟୁକ୍ତଂ ଗୁଣନିଧିମ୍ ।
ଶିଵେଶଃ ଶ୍ରୀଶୋ ଵା ଭଵତୁ ନ ଭିଦା ୟତ୍ର ତମହଂ
ନମାମି ଶ୍ରୀନାଥଂ ଭଵଭୟହରଂ ଶ୍ରୀଵଟପତିମ୍ ॥ ୭॥
ଜଡେ ଦୃଶ୍ୟେ ଦୁଃଖେ ନିପୁଣମତିହେୟେ ଚ ଜଗତି
ମୃଷାରୂପେ ପୁଂସାଂ ସଦିତି ସୁଖମାଦେୟମିତି ଧୀଃ ।
ୟଦସ୍ତିତ୍ଵାନନ୍ଦପ୍ରତିଫଲନମୂଲା ତମମୃତଂ
ନମାମି ଶ୍ରୀନାଥଂ ଭଵଭୟହରଂ ଶ୍ରୀଵଟପତିମ୍ ॥ ୮॥
ଵିଭାତୁ ତନ୍ନାଥ ମଦୀୟମାନସେ
ତ୍ଵଦୀୟରୂପଂ ସୁମନୋହରଂ ଵିଭୋ ।
ଅଜାଦିଦେଵୈରପି ୟସ୍ୟ ଚିନ୍ତନଂ
ସ୍ଵଚିତ୍ତଶୁଦ୍ଧ୍ୟୈ ସତତଂ ଵିଧୀୟତେ ॥ ୯॥
ମାୟାରାମପ୍ରୋକ୍ତମେତତ୍ସୁରମ୍ୟଂ
ଶ୍ରୀଶସ୍ତୋତ୍ରଂ ଶ୍ରୀଵଟେଶାଷ୍ଟକାଖ୍ୟମ୍ ।
ଅସ୍ତୁ ଶ୍ରୀଶସ୍ତେନ ତୁଷ୍ଟଃ ସ୍ତୁଵଭ୍ଦ୍ୟୋ
ଦିଶ୍ୟାଚ୍ଛ୍ରେୟଃ ଶାଶ୍ଵତଂ ସ୍ଵାଶ୍ରିତେଭ୍ୟଃ ॥ ୧୦॥
ତତ୍ତ୍ଵଜ୍ଞାନପ୍ରଦଂ ଭକ୍ତିଵୈରାଗ୍ୟପରିଵର୍ଧନମ୍ ।
ପଠିତଵ୍ୟମିଦଂ ନିତ୍ୟଂ ସ୍ତୋତ୍ରଂ ଶ୍ରୀପତିତୁଷ୍ଟିଦମ୍ ॥ ୧୧॥
ଵ୍ୟାଧିକାଲେ ଚ ମୋହାନ୍ଧ୍ୟେ ଵିପତ୍ତୌ ଶ୍ରଦ୍ଧୟା ପଠେତ୍ ।
ୟ ଇଦଂ ସ ଭୟାନ୍ମୁକ୍ତଃ ସୁଖମକ୍ଷୟ୍ୟମଶ୍ନୁତେ ॥ ୧୨॥
ଇତି ଵେଦାନ୍ତତୀର୍ଥପଣ୍ଡିତଶ୍ରୀମାୟାରାମକୃତଂ ଵଟପତ୍ୟଷ୍ଟକଂ ସମାପ୍ତମ୍ ।
