Sri Vidya Atirtha Ashtakam Lyrics in Telugu:
శ్రీవిద్యాతీర్థాష్టకమ్
వర్ణచతుష్టయమేతద్విద్యాతీర్థేతి యస్య జిహ్వాగ్రే ।
విలసతి సదా స యోగీ భోగీ చ స్యాన్న తత్ర సన్దేహః ॥ ౧॥
లమ్బికాయోగనిరతమమ్బికాపతిరూపిణమ్ ।
విద్యాప్రదం నతౌఘాయ విద్యాతీర్థమహేశ్వరమ్ ॥ ౨॥
పాపగధకారసూర్యం తాపామ్భోధిప్రవృద్ధబడవాగ్నిమ్ ।
నతహృన్మానసహంసం విద్యాతీర్థం నమామి యోగీశమ్ ॥ ౩॥
పద్యావలిర్ముఖాబ్జాదయత్నతో నిఃసరేచ్ఛీఘ్రమ్ ।
హృద్యా యత్కృపయా తం విద్యాతీర్థం నమామి యోగీశమ్ ॥ ౪॥
భక్త్యా యత్పదపద్మం భజతాం యోగః షడఙ్గయుతః ।
సులభస్తం కరుణాబ్ధిం విద్యాతీర్థం నమామి యోగీశమ్ ॥ ౫॥
హృద్యా విద్యా వృణుతే యత్పదనమ్రం నరం శీఘ్రమ్ ।
తం కారుణ్యపయోధిం విద్యాతీర్థం నమామి యోగీశమ్ ॥ ౬॥
విద్యాం దత్త్వావిద్యాం క్షిప్రం వారయతి యః ప్రణమ్రాణామ్ ।
దయయా నిసర్గయా తం విద్యాతీర్థం నమామి యోగీశమ్ ॥
విద్యారణ్యప్రముఖైర్విద్యాపారఙ్గతైః సేవ్యమ్ ।
అద్యాపి యోగనిరతం విద్యాతీర్థం నమామి యోగీశమ్ ॥ ౮॥
విద్యాతీర్థాష్టకమిదం పఠన్భక్తిపురఃసరమ్ ।
విద్యామనన్యసామాన్యాం ప్రాప్య మోదమవాప్నుయాత్ ॥ ౯॥
ఇతి శృఙ్గేరి శ్రీజగద్గురు శ్రీసచ్చిదానన్దశివాభినవనృసింహ-
భారతీస్వామిభిః విరచితం శ్రీవిద్యాతీర్థాష్టకం సమ్పూర్ణమ్ ।
