Sri Vidya Atirtha Ashtakam Lyrics in Malayalam:
ശ്രീവിദ്യാതീര്‍ഥാഷ്ടകം
വര്‍ണചതുഷ്ടയമേതദ്വിദ്യാതീര്‍ഥേതി യസ്യ ജിഹ്വാഗ്രേ ।
വിലസതി സദാ സ യോഗീ ഭോഗീ ച സ്യാന്ന തത്ര സന്ദേഹഃ ॥ 1॥
ലംബികായോഗനിരതമംബികാപതിരൂപിണം ।
വിദ്യാപ്രദം നതൌഘായ വിദ്യാതീര്‍ഥമഹേശ്വരം ॥ 2॥
പാപഗധകാരസൂര്യം താപാംഭോധിപ്രവൃദ്ധബഡവാഗ്നിം ।
നതഹൃന്‍മാനസഹംസം വിദ്യാതീര്‍ഥം നമാമി യോഗീശം ॥ 3॥
പദ്യാവലിര്‍മുഖാബ്ജാദയത്നതോ നിഃസരേച്ഛീഘ്രം ।
ഹൃദ്യാ യത്കൃപയാ തം വിദ്യാതീര്‍ഥം നമാമി യോഗീശം ॥ 4॥
ഭക്ത്യാ യത്പദപദ്മം ഭജതാം യോഗഃ ഷഡങ്ഗയുതഃ ।
സുലഭസ്തം കരുണാബ്ധിം വിദ്യാതീര്‍ഥം നമാമി യോഗീശം ॥ 5॥
ഹൃദ്യാ വിദ്യാ വൃണുതേ യത്പദനംരം നരം ശീഘ്രം ।
തം കാരുണ്യപയോധിം വിദ്യാതീര്‍ഥം നമാമി യോഗീശം ॥ 6॥
വിദ്യാം ദത്ത്വാവിദ്യാം ക്ഷിപ്രം വാരയതി യഃ പ്രണംരാണാം ।
ദയയാ നിസര്‍ഗയാ തം വിദ്യാതീര്‍ഥം നമാമി യോഗീശം ॥
വിദ്യാരണ്യപ്രമുഖൈര്‍വിദ്യാപാരങ്ഗതൈഃ സേവ്യം ।
അദ്യാപി യോഗനിരതം വിദ്യാതീര്‍ഥം നമാമി യോഗീശം ॥ 8॥
വിദ്യാതീര്‍ഥാഷ്ടകമിദം പഠന്‍ഭക്തിപുരഃസരം ।
വിദ്യാമനന്യസാമാന്യാം പ്രാപ്യ മോദമവാപ്നുയാത് ॥ 9॥
ഇതി ശൃങ്ഗേരി ശ്രീജഗദ്ഗുരു ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതം ശ്രീവിദ്യാതീര്‍ഥാഷ്ടകം സമ്പൂര്‍ണം ।
